Facebookpimi umachinkapak willayta llukchirka twitter pankamanta hapishpa, chaypimi ninakun Simón Cueva mana Ecuadorpi kawsanchu
Carlos Vera tuitta hapishpami, Facebook pankapi churashka Simón Cueva Kullkikamay ukumanta pushakka, mana Ecuadorpi kawsanchu, pushakkunaka kay mamallaktapimi kawsana kan, nin. Chay willayka llullami kan, Cuevaka kay mamallaktapimi kawasan, Pichincha markapimi wasita charin.
Chaypillatak shuk killkashkatapash Twitter pankamanmi apan, Carlos Verata killkashpa, nishpa Pushakka mana mamallaktapi kawsanchu, 1000 yalli dolar kullkita llamkaymanta hapishkamanta ashtawanmi impuestokunata kuna kan, llaki unkuypachi mana llakichishkakuna kanchu, nishpa. Chay nishkaka mana mamallaktata riksinchu ninkapak, shinallatak kanllapimi kawsan ninkapakpash. Ashtawan mishankapak munanchu. Maykankuna mana pagashkakunaman $4.500 hunu kullkita mañaychi, shinami chay killkashkapi Vera nirka.
Kullkikamaypa psuhakka, willachiy tantanakuykunaman nirka, llaki unkuypachapi ashtawan mana charikkuna llaki apashka. 4% ecuadormanta rurankunami ashtawan charikkuna kan, asha urmarka, shinapash mana yapa karkachu”, nirka. Chayshuk 96% runakunaka 1000 uraymanmi llamkashpa kullkita hapin. Chayka, 4% runakunami ashtawan kullkita churana kan kay llaki unkuypachamanta hatarinkapak.
Contraloría pankapika, mamallaktapa llamkakkunamanta charishkakunata rikuyta usharinmi.Cuevamanta rikushpaka, ishkay pankakunata yaykuchishka. Kallariy llamkaypak shinallatak kipaman. Tukuriy pankaka 13 kuski septiembre killamanta 2021 watamanta kan
.
Ecuador Chequea kullkikamaypa psuhakwan rimarka. Willachik ukumantaka Cuevaka Ecuadorpimi kawsan nirka. Tukuy punchakunami kay kamaywasiman chayan nirka.
Ley Orgánica del Servicio Público nikun maykankuna mamallaktapa kamaywasikunapi llamkankapakka pichka watami kay mamallatkapi kawsashka kana kan. Shinallatak, llamkaypa pachakunata paktachinami kan.
Comments are closed.