Combustiblekuna ashtawan kullkipa churanamantaka manarak nishkachu shinallatak Conaiepash mana hatariykunamanta nishkachu. Kay pachakamanka, Mamallaktapa pushak nishkatami shuyanakun.
Facebook pankapimi llukchirka, Mamallaktapa pushak shinallatak Conaie rimakushkamantaka mana imapi sakirinchu, combustiblekuna ashtawan kullkipa kakrin; chaymantami hatariykuna tiyakrin. Chay willayka llullami kan. Conaie tantanakuyka tantankuykunata ruranakun Mamallakta pushak 15 punchapi rimankakama nirka. Chaykamanka, shuyanakun combustible mashnapak katunapash chaypi sakirishka kan. Hatariykunamantapash mana ima nishkachu.
10 sasi killapi 2021 watapi Conaiewan shinallatak shuk tantanakuykunawanpash shuk rinamakuy tiyarka. Chay tantanakuyka wakin sayllami pararka. Pushak, Guillermo Lasso, wakin pakta yuyay tiyashkamanta nirka: kullki mañachimanta, ishakay shimipi yachaykunamanta, katunamanta ama yapa kachunpash. Shuk willaypika, taypukamaykunapa kullki mañachishkakunapi ashtawan pachapa kachun nirka. Lassoka uchilla tapukkunamanka chay kullkita karanka BanEcuadorwan kashkakunaman nirka.
Combustiblekuna mashna kullkipa katunamantaka, mana ima arinishka tiyanchu. Pushakka chaymanta yuyarinka nirka, Shinapash, Conaieka tantankuykunata rurakrin nirka. 15 punchakama, 25 sasi lillakaman “pushak arininkakama”shuyakrin.
Wakin willaykuna yallichishka hatariy tiyakrin nishpa, shinapash Pushakka wakinkunataka arinishkami shinapash shuyanakun. Combustiblekunamantaka manarak yacharinchu. Ishkay hunkay kipami ña alli tukunka, shinami Ecuador Verifica shuk killkaypi tiyakun.
Comments are closed.