Conaie tantanakuypa pushak, Leonidas Iza, mana ima arinishka tiyana kakpika mana rimanakuyman kimirinkachu nirka. 1 kapak killakamanmi pushakpa kutichita shuyakun.
Facebook pankapimi shuk kuyukshuyuta yallichinakurka chaypimi Conaie tantankuypa pushak, Leonidas Iza, Ecuadorpa pushak mana imatapash nishkamanta nirka. Chaymi nin, mana ima arinishka tiyana kakpika mana rimanakuyman kimirinkachu. Chay willayka umachinkapakmi kan. Izaka 27 sasi killapimi rimarka, Amazoniapi kashpa, chaypimi 1 kapak killakaman shuyakrin Ecuadorpa pushak kutichichun nirka.
Ecuador runakunapa tantanakuy (Conaie) shuk hatun tantankuyman kayachirka, Ecuarunari, Confenaie, Conaice tantankuykuna. Shinapash, kay tukuri tantankuyka mana tantanakuypi karkachu shuk tantankuypi kashkamanta nirka. 35 wata Conaie paktakukpimi chay tantankuytaka rurarkakuna.
Por la dignidad de nuestra lucha la fuerza organizativa está reunida en la Amazonía ecuatoriana. Temas centrales: situación del diálogo y agenda neoliberal de Lasso, coyuntura política. Las decisiones son colectivas, orgánicas y en unidad.#SomosConaie pic.twitter.com/WgdNoNaKlc
— CONAIE (@CONAIE_Ecuador) November 27, 2021
Shinapash, Ecuadorpa pushak mashna pachata combustible mashna kullkipa kanamanta kutichinamantapash rimanakuy tiyarka.
10 sasi killapi, wakin tantankuykunami Carondeletpi rimanakuyman kimirirkakuna. Wakin arinishkakuna tiyarka. Shinapash, gasolinamantaka mana imapipash sakirirkachu. Chaymantami Conaieka 15 punchata, 25 sasi killakaman shuyankapak sakirirka, Ecuadorpa pushak alli kutichichun.
Shinallatak, Ecuadorpa pushakka mana kutichirkachu. Conaie tantankuyka 27 sasi killapi, 1 kapak killakaman shuyankapak sakirirka. “Mana kutichishkamanta: mana ima arinishkakuna tiyana kakpika mana rimanakuykunaman tikrashunchu”, nirka Conaie tantanakuypa pushak, Leonidas Iza. Conaieka tantanakuykunata rurashpa katikrinmi nirka shina shuk arinishkapi sakirinkapak. 2022 watapi kulla killapi kanka nirka, shinapash mana punchata nishkachu.
Comments are closed.