Lassota llukchinkapak shuklla akllarka. Shinapash chay mañayka mana yallirkachu.
Shuk willayta yallichinakurka Pachakutik shinallatak ID tantanakuykuna Lassota yanaparka akllaypu shinallatak UNES tantanakuyta mana yanapashpa Pandora pankakunamanta nin. Chay willayka mana achiklla kanchu. Pachakutikmantaka shuklla akllarka chay mañaymantaka. Shinapash, Lasso chaykunamanta willachichun kayachirka 30 punchakama paktachichun nishpa.
7 kapak killapi mamallakta tantanakuy shuk tantankuyta rurarka chaypimi Guillermo Lasso Pandora pankakunapi kashkamanta. Chay Pandora pankamanta llamkaywillapipash Pachakutik chikanyarishka karka.
Chay tantanakuymantallatak wakinkunaka chay llamkaywillayta rurankapak mana rimanakuy tiyashkachu nirkakuna. Tukuriy yuyaykunapi mamallaktapa pushak anchuchinkapak nishka karka.
Paola Cabezas chay yuyaytaka churarka, shinallatak llakikuna tiyakpi nishpa. Chaypaka 51pura akllarka UNES tantanakuymanta shinallatak shuk Pachakutikmanta. 77 kamachi rurakkunaka mana arinirkachu, Izquierda Democrática,, BAN, PSC, Pachakutik tantanakuykuna mana arinirkachu. 7pura mana akllarkachu.
Ishkay yuyaypika José Cabascango Pachakutik tantanakuymanta Lassota kayachichun chay offshoremanta willachichun mañarka 30 punchapi paktachichun. Chaytapash mana arinirkachu. Shinapash, 9pura chay yuyata yanaparkami.
Tukuripika, ID tantanakuymanta Alexandra Jaramillo mañashata 82 akllarka. Chayka Mamallaktapa pushak paraísos fiscalespi charishka nishkamanta willachichun karka. Shinallatak, Pandora pankamanta llamkaywillaypash wakaychishka sakirirka.
Comments are closed.