Chay mirachishkaka 8 watakunapi rikushpaka ashtawanmi kan
Ecuadorpa pushak, Guillermo Lasso, killapi llamkashkamanta kullki 2022 watapaka mushukta churarka. 13 kapak killapi 2021 watapi $ 25 mirachinka nirka. Lassoka kay mirachika pusak watakunawan rikushpaka ashtawanmi kan nirka. 2014 watamanta 2015 watakamanka 4,11% mirachirka; kay 2022 watapaka 6,25% kan.
Lasso chusku wata pushak kashpa katinapimi $500 kullkikama paktachinka nirka. Chayka, watan watanmi USD 25 mirachinka. Mamallaktapa pushakka pay nishkata paktachinmi nirka. “2022 watapi killapi llamkashka kullkika USD 425 kan. USD 25 mirachin. Shuk watapi mirachinchi chusku wata shina. Chay mirachika pusak watakunawan rikushpaka ashtawanm kan”, nirka.
Katipi rikuchinpanchik imashinatak killapi llamkashkamanta kullkita watan watan mirachishkata, patsakripimi churashka:
| Wata | Killapi llamkashkakamanta kullki | Mirachishka | patsakripi mirachishka |
| 2014 | USD 340 | USD 22 | 6,83% |
| 2015 | USD 354 | USD 14 | 4,11% |
| 2016 | USD 366 | USD 12 | 3,4% |
| 2017 | USD 375 | USD 9 | 2,5% |
| 2018 | USD 386 | USD 11 | 2,9% |
| 2019 | USD 394 | USD 8 | 2,1% |
| 2020 | USD 400 | USD 6 | 1,5% |
| 2021 | USD 400 | USD 0 | 0,0% |
| 2022 | USD 425 | USD 25 | 6,25% |
Kayka 2022 watapi ashtawanmi mirachishka pusak watakunapi puntaka mana shina karkachu. 2015 watamanta 4,11% mirachishka.
2020 watapika, pandemiamanta Llamkay kamaywasika shamuk watapi mirachinka nishpami willachirka. Chay 2021 watapika -1,01% karka, chaymanta killapi llamkashkamanta kullkita mana mirachirka. USD 400pi sakirirka.
Comments are closed.