Pushakka ñami willachinkapak Mamallakta tantanakuyman kimirishka. Shinapash, unkuymanta shuk pachapa sakirka.
Instagram pankapimi ninmi 13 kapak killamanta 17 punchakamanmi, Hampi kamaywasimanta pushak, Ximena Garzón Mamallakta tantankuyman willachinkapak kimirina kan. Chayka Ómicron shinallatak covid-19 llaki unkuypachamanta imatatak ruranamanta kan. SHinallatak hampinawasikunapi hampikuna illakmantapash. Chay willayka mana achiklla kanchu, hampi kamaywasimanta pushakka ñami kayachishka karka punta hunkaypillatak. Garzón Mamallakta tantankuyman kimirirkami shinapash unkurishka kaymanta shuk pachapa sakirirka.
Hampipa hayñikunamanta tantanakuymi Garzónta kayachirka wakin mañaykunamanta. 8 kapak killapi 2021 watapi 47niki tantanakuyta rurarka. Kallaripika hampi kamaywasimanta pushak rimana karka.
Garzón willachinkapak kallarirka, shinapash kipamanka mana rimayta usharkchu mana uyarinkapak usharkakunachu. Chaymanta chay tantanakuyka mana katirka. Shinapash, Luisa Gonzalez kamachi killkakpash chay rimanakuyta tukuchina mañarka, shinallatak hampikunamanta llaki unkuypachamanta rimanakuy tiyanamantaka mutsurishkami kan,nirka.
Marcos Molina, chay tantnakuyta pushakka, 7 shinallatak 10 puncha kipami tikranka rimanakuyman nirka. Hampi kamaywasimanta pushak alli tukuchun shuyanakun. Chaymanta, chay punchapika IESS kamaywasimanta willaytami chaskirkakuna. Kay 14 kapak killapika Molina willachirka shamuk punchapaka Ximena Garzón willachinkapak kimirinamanta.
Comments are closed.