Chay killkaypika mamallaktapa punta pushak Lenín Moreno huchachishka kan nin, shinapash, mana chaymanta huchachishkachu, chaykunamanta ninakunmi.
Facebook pankapimi llukchirka Fiscalía shinallatak Policía Quitopa shinallatak Guayaquilpa rurakamaykunapi INA Papersmanta maskarka.
Chay killkaypika chay chapakunapak maskaykunaka shuwaykuna tiyashkamanta, chaypimi Morenopash kan nishpa.
Chay willayka mana achiklla kanchu : shuwaykunamanta maskaykuna tiyarkami, willachik taripaykunata rikushpaka Morenopa kimiriayakunami chay shuwaykunapi kashka shina rikurin, shinapash Morenoka mana chay taripaykunapi yaykunchu.
Fiscalía kamaywasika, Twitter pankapi llukchirka nishpa, INA Papers Quitopi shinallatak Guayaquilpi maskaykuna tiyarka. Shinallatak, chapakkunapa ruraykunaka kallari taripaykuna kan, 2010 shinallatak 2018 watapi shuwaykuna tiyashkamanta.
El Universo willachi pankaka chay ishkay kitikunapi pankakunata shinallatak hillaykunatapash maskashpa aparka chaykunawanmi wakin willaykunata pantachinkakpak nishpami willachirka.
Primiciaska chapakkunapak ruraykunaka karu mamallaktapi huchachishkakunamanta Ecuador pushakkuna 2019 mañashkantami rurashka nirka.
Imatatak INA Papers
2019 watapi, chaykunamanta willachirka, wakin llakikuna tiyashkamanta karu mamallaktapi pakashka kullkita charin nishpami Moreno ayllutapash nirka, kaytaka Vistazo pankapimi nikun.
GK willaypika 2012 watapi Ina Investment Corporationka Edwin Moreno, mamallaktapa pushakpa wawki chay rurakamaytaka wiñachishka nin. Chay rurakamayka Bélice llaktapimi wiñachishka.
BBC nishkamantaka, “paraíso fiscal” nishkaka shuk kuska kan, maypi rurakamaykunata wiñachishpa kun, shina ama impuestokunata kuchun shinallatak pushakkunamanka mana ima willaykunata kunchu.
Comments are closed.