61% runakunami internetpi willaykunata maskan, katipika 55,2% runakunaka mashikunawan ayllukunawan rimankapak kan.
Zirma kuskakunapi, tawka willaykunata chashkin; tawka tawka willaykuna munashkata shinallatak mutsurishkata maskarin. Tawka willaykunawanka chinkaritapash usharin, plataformakunawan kawsanakunchik munashkata akllashpa rikuchikpi. Shinapash, ima willaykunata chaskinchik akllayta ushanchikmi, shinallatak yuyarishpa rikunkapak, alli kakta rikushpa kankapak.
Rikchakunawan, killkashkakunawan, kuyukshuyukunawan tuparishpaka imatapash ashtawan kayachikpika, mana tukuy alliyachishka kanchu. Maykanpash willaykuna ashtawan kayachik kakpika, mana tukuyta iñinachu.
Internetpimi tukuy willaykuna kan. Kay hillayka zirmapi wiñachinkapak, yallichinkapak ushanmi.
CEPAL 2022 zirmamanta willaykunapika:» 2020 watapika, Covid-19 unkuypachamantami ashtawan zirma pankaman yallirkakuna».
Kay hillaykunawanmi ñapash willaykunata yallichirka shina llakipachata yallinkapak, harkanpakpash. Kallari 2020 watapi runakuna ama wasimanta llukshichun mañaykuna tiyarka chaypimi zirmapi ruraykuna ashtawan mirarka.
Shuk taripayka internetpi ashtawan willaykunata rikun nin. 61% runanakunaka, katipika 55,2% runakunaka mashikunawan runakunawanmi rimankapakmi yaykun, tukuripika ima ruraykunamanta yachankapak kan nin We are Social. Katipika, imapatak Internet mutsun rikushun:
Shinapash, llaki unkuypachaka llulla willaykunapash tiyashka añawllawtumanta hampinkapak; wañushkakunamanta, vacunamanta, shukkunamantapash.
Llullay willaykunata rurakkunaka alli rikchata hapishpami llullan; chaypimi killkan, shuktayachin, shuk willaytapash churan mana rikchawan pakta kakpipash.
Nishpalla, redes socialespi shuk rikchata yallichinakurka Riobamba runakuna manchachinkapak. Chay rikchapika Teleamazonas rikunchikantamantami unanchata hapishka.
Chay rikchaka Facebook pankapimi churarka. Willachiy tantanakuykunamanta unanchata hapishpami llulla willaykunata ruran.
Comments are closed.