Mamallakta tantanakuypika kay tukuri punchakuna urmachinkapak ruraykunamanta rimanakushka. Shinapash mana ima tiyanchu payta urmachinkapak munakkunamantaka.
Ecuador mamallaktapa pushakpa shinallatak Mamallakta tantanakuypi kakkunamanpash urmachinkapak ruraykuna chay ukupi tiyan. Huchachikuna tiyakpi shinallatak Guadalupe Llori llamkaymanta rikunkapak mañaykuna tiyakpimi shukman tikrayta ushanmi.
Facebook pankapimi Fernando Villavicencioka harkarishka kan, chaymanta Lassota mañakun “muerte cruzada” Mamallakta Tantanakuyta anchuchinpak nishpa. Chay willayka mana achiklla kanchu. Villavicencioka, twitter pankapi chay mañayta rurarkami urmachinkapak munankuna nishpa; shinapash pay harkarishka kan nishkamantaka mana ima tiyanchu.
“Kimsa tantankuyka @AsambleaEcuadorpi mamallaktata llapishpa shinallatak Mamallaktapa pushaktapash harkarishkata charinkapak munan. Tukuy kamaywasikunata, kamachik kamaywasikunatapash paykunapa makipi charinkapak munan shina huchachishkakunata kishpichinkapak”, shinami Villavicencio 23 panchi killapi killkarka.
La trilogía conspiradora en la @AsambleaEcuador busca poner de rodillas al país y tener un gobierno secuestrado. Quieren tomarse los órganos de control y la justicia para liberar a sus delincuentes de cuello blanco y limpiar sus glosas. Váyanse a la casa, venga la #MuerteCruzada
— Fernando Villavicencio Valencia (@VillaFernando_) February 23, 2022
Muerte cruzada nishkaka 148 mamallaktapa kamachipi killkashka kan, Mamallaktapa pushakka Mamallakta tantanakuyta tukuchinkapak ushanmi nishpa. Shinallatak CNE kamaywasika 7 punchapika pushakta, kamachi killkakkunatapash akllankapak kayayta ushan nin.
22 panchi killapi, Guillermo Lasso pushakka, hucachikunata churashpa mamallaktata llakichinkapak munakkuna tiyanmi nirka, shinallatak Guadalupe Llori Mallakta Tantanakuypa pushakta yanapanmi nirka.
Da mucha tristeza, las pretenciones desestabilizadoras, de compañeros PK, que aunque tengamos diferencias y si aún se ponen descaradamente la wipala, al menos dejen que otra Bancada CONSPIRE y no demuestren la ambición … 👇🏻
— Guadalupe Llori (@GuadalupeLlori) February 18, 2022
Comments are closed.