25 panchi killapi mamallaktapa antankakuna katunkapakmi sakirirka shinallatak mashnapatak katunatapash rikuchun. Shuk antankaka Lassopak ruraykunapakmi kan.
Ecuador mamallaktaka ishkay antanakakuna pushakkunapak charin: Legacy EMB-135BJ shinallatak Dassault Falcon 7X, FAE052wan killkarishka.
Mamallaktapa pushak, Guillermo Lassoka 2021 watapi karway killapimi Lagacy antanakata katunamanta nirkami. Chaywanmi, Facenook pankapika shuk willayta llukchishka chay nishkataka mana paktachikunchu, kunanka mana katurikunchu shinallatak Mamallaktapa pushaktapakllami antankaka kan. Chay willayka llullami kan.
Katunkapak ruraykuna katikunmi. 25 panchi killapi 2022 watapi, Ministerio de Defensaka Secretaria de Gestión Inmobiliariaman kacharka 311 decreto pankata 180 decreto pankata, Lasso aspirka 31 karway killapi 2021 watapi, chaypimi Legacy antanakata katuchun churarka shinallatak karumamallaktaman apachun. Chaytaka Fernado Donoso Defensapa kamaywasipa pushaktami sakirka.
Shinapash, kulla killapi 2022 watapi 311 Decreto pankata shuktakyachirka, chaypika Defensa Kamaywasimanta Secretaria Técnica de Gestión Inmobiliaraman sakirka, paykunami Legacy antanakata katurichun katichina kan.
Defensa Kamaywasipa mushuk pushak, Luis Hernándezmi katichina kan, chaypakka 60 punchata charin.
Chay arinishka pankapika Secretaríami “tukuy ruraykunata Mamallaktapak antanakata katushpa paktachina”.
Shinallatak, imashinatak ashtawan alli katunkapak rikunka. Chayta paktachinkapakka, Fuerza Aéreami antankataka kamana kan shinallatak alli kachun sakina.
25 panchi killapi, Hernándezka Secretariaman Legacy antankataka yallichirka.
Chaymi kallari ruray kan. Katunkapakka wakinkuna rantinkapak munakkunawanmi akllarinka. Roberto Anzoátegui, charishkakunata katunamanta rikuk kamaywasipak katik pushakka, Telerama shuk tapuykutichipi katunkapak ruraykunapak pachakunata churashpa kallarirka nirka.
Katipika, antanakata yallichishka kipaka, masnapatak katunamanta shuk yachayuk rikunka, paymi masnapatak katunata ninka.
Chay ishkayniki ruraypika shuk killa shina kanka, shinallatak pawkar killapi kanka. “Katunkapakka aymuray shinallatak raymi killapimi ña tukuy charirinka”, nirka.
Anzoátegui wakin mamallaktamanta runakunawan, shinallatak karu mamallaktamanta rantinkapak munakkunawan rimarishkami nirka.
Comments are closed.