SUGIERE VERIFICACIONES AQUÍ
Jul 29

Guillermo Lassota 39% allikachishkaka urayman rikun nishkaka llullami kan

23 sitwa killamantami,  Facebook pankapi yallichinakun nishpa Ecuadorpa pushak Guillermo Lasso 39%  urayman rikun “mana paypa nishkata paktachikpi”. Chayka llullami kan, mana ima taripaykuna tiyanchu, ashtawanpash chay willayta llukchishka pankaka shina mirashka willayta llukchin.

3 punchapi chay willaytaka 1800 kutin yallichishka shinallatak 78 killkashka. Chay willaypika mana willachinchu maymanta chay patsari llukchishkata shinallatak mana shutichinchu pitak taripayta rurashka.

Tukuriy taripaykunaka Perfiles de Opiniónmi rurarka, 21 sitwa killapi, 2021 watapimi llukchirka, chaypimi 630 tapuykunata Quitopi, Guayaquilpipash rurashka. Chay pachapika Lassoka 66,71% charirka alli apakushkamanta.

Perfils de Opinionmanta pushak, Paulina Recalde shuk tapuykutichipi Inti Pacha willachi antapi nirka pushakkuna kallarinakukpika ashtawan allikachishkami rikurin, shinapash Lenin Moreno rikukpi urayman rirka chay allikachishka, shinallatak Lasso pushak tukukpika ashtawan hawamanmi rikurirka.

Consultor político Alejandro Zabalo Ecuador Verificamanka nirka Guillermo Lasso pushakka allipachami kallarirka allikachishpa runakunaman shinallatakmi kunankaman katikun. “62 punchatallami pushak kashkamanta kan”.

“Yupashpaka mana shina kanchu,  ishkay punchapillaka mana 30 patsakri urayman rita ushanchu shinallatak wicharishkakunamanta llakikuna tiyashkamantapash mana shina tukunchu, chay yupayka mana ima taripay charinchu”, Zabala nirka.

9 raymi killapi  Cedatos taripashkata llukchirka Guillermo Lasso pushak kallarikukpimi ashtawan hawaman karka 71,4%, shuk pushakkunawan rikushpaka Lassomi mishan.