Ecuadorpa pushakka shuk tapuykutichipi “Vera a su manera” nishkapimi mamallakta imashina kakta shinallatak pikunata wakllichita munakkunamanta nirka – paypa rimaypika – pushakta wakllichinkapak munakkunamanta
Facebook pankapi shuk willayta yallichinakurka chaypimi Rafael Correa punta pushakpa, huchachishkakunamanta kallpashkamanta, Guillermo Lassoka nirka: “Chayka aya kan, paytaka yallishka pachakunapi shitashpa sakina kan”. Chay willayka shinami kan.
13 wayru killapi 2021 watapi, Lasso pushakka “Vera a su manera” nishkapi, Carlos Vera willachikwan shuk tapuykutichipimi karka.
Chay tapuykutichita tukuchikukpimi, Lassoka nirka: “Kikinka mana tapushkanki, nishpalla, kay ukupi kashpa imatatak yuyarikuni. Imatatak yuyarini, Carlos. Imashinatak shuk pushak tiyashka Colombiapi shuk runata secuestrankapak. Imatatak yuyarikushka Galo Lara kawsayta wakllichinkapak, warmitapash, churitapash chinkachinkakaman. Chayka ayami kan, mana rimanayak. Paytaka yallishka pachakunapi kupachuranapi shitashpa sakina kan. Shinallatak maykankuna wakllichinkapak munakkunaman harkakrinchik (…)”, nirka Lasso Rafael Correamanta rimashpaka.
Pushakka Fernando Baldamanta rimakun, Colombiapi secuestrachun mañashkamanta; shinallatak Carolina Llanosmanta, Larapa warmimantapash, mana huchata charinchu nishpa chayrakmi anchuchin, chunka wata yallishkapi Quinsalomapi wañuchishkamanta nishpa.
Comments are closed.