Kamachi killkakkuna mana tantanakuyta sakinakunchu. Shinapash, Conaie nishkatami katinka.
Facebook pankapi shuk willayta llukchishka Pachakutik Mamallakta tantanakuypi chikanyarinmi nishpa. Chay willayka mana achiklla kanchu.
Chay willayka 15 kapak killapi 2021 watapi ishkay tantankuypi chikanyarikpimi llukchin. Primicias pankaka 9 kamachi killkakkuna mushuk tantankuyta ukupi rurarka nirka, shinallatak kunan pushakmanta anchurinkapak.
Mario Ruiz, Patricia Sánchez, Peter Calo, Darwin Pereira, Fernando Cabascango, Mireya Pazmiño, Salvador Quishpe, Joel Abad shinallatak Salvador Maita kamachi killkakkuna shuk tantanakuyta rurarkakuna.
El Universo willachi pankaka Pachakutik ishkay tantanakuypi chikanyarinmi nirka. Shuk tantankuyka Ecuador runakunapa tantanakuyta katishpa kan. Shukka Rafael Lucero manñapi, Mamallaktapa pushakwan rimanakuyta katinkapak.
Kay 9 kamachi killkakkunaka Conaie tantanakuywan pakta katinkapak kan.
Luceroka ima ruraykunapash tantanakuypimi rikurinka nirka: “Comité Ejecutivo rikunka. Marlon (Santi), pachakutikpa pushak, shuk tantanakuyman kayachinka, chaypimi arininka”, nirka shuk willaypika.
Café con JJ shuk tapuykutichipika, Iza nirkami Pachakutik shinallatak Conaieka pakta kan, shinapash wakin kamachi killkakkuna shuk yuyayta charin paktaykunamanta.
Conaie shinallatak Pachakutik imatak kan
Ecuador runakunapa tantanakuy (Conaie) llaktarunakunata, ayllullaktakunata, tukuy Ecuadorpa runakunaman tantachin, kay tantanakuypaka Leonidas Izami pushak kan.
Pachakutikka kapaktukukpa (político) tantanakuy kan, kayka Ecuadorpa runakunawanmi wiñachirka
Comments are closed.