Mushuk chapakkunapa pushakka yachayukmi kan. Chapakkunapa wakin ruraykunapi pushak kashka
Facebook pankapi llukchirka, Guillermo Lasso, Tannya Varela paypa llamkaymanta yupaycharka shinallatak mushuk pushakta Carlos Cabrerata churarka. Chay willayka shinami kan.
El Comercio willachi panka 23 kulla killapi 2022 watapi Varela llukshishkamanta willachirka shinallatak Carlos Cabrera mushuk
pushak kan nirka.
“Tannya Varelata paypa llamkaymanta yupaychani. Paymi kallariy warmi pushak karka”, Mamallaktapa pushak nirka.
Chay nishkakunaka 21 kulla killapi, Playita del Guasmopi, Guayaquilpi, shuk runata wañuchishka kipa karka. Chay llakikunaka Largos shinallatal Rusos tantanakuykuna makanakuypimi shina llaki tiyashka.
Chapakkunapa Kamachik pushak kashka, zona 6 shinallatak 2pipash pushak kashka. Sucumbiospika llamkakkunapa rikuk shinallatak Tránsito y Seguridad vialpa pushak.
Cabrera 23 kulla killapi Mamallaktapa pushak shuk tantanakuypi karka.
Chaypika Lasso, Alexandra Vela, Luis Hernandez shinallatak Cynthia Viteri pushakwanpash tantakurka, shinami El Telegrafo pankapi willachirka.
Lassoka Cabreraman alli richunmi nirka. Mushuk pushakpakka runakunaman kamachun shinallatak ama llakikunata tiyachun rikuna paktaymi kan.
Shinallatak, Max Campos, katik pushakka Guayaquilman yallichirka.
Comments are closed.