Hatariyman llukshishkkakuna Patria shinallatak 9 de Octubre ñankunapimi chapakkunapa antawata rupachishka. Wanra punchapi, Quitopi hatariy tiyakpimi, shuk wamprakuna chay antawapika gasolinata shitashka shinallatak rupachishka. Chay antawaka wakllishkapacha sakirishka.
Facebook pankapi shuk rikchapika chapakkunapa antawata chapakllatami rupachishka, imashina Fiscalía nikun nin. Chay willayka llullami kan. 
Ecuador Chequea Fiscalíawan rimarka, chaykunamanta mana ima willay tiyanchu, chayka llullami kan nirka.
Chay punchapillatak, chapakkunaka ishka runakunata hatariypi kashkakunata taripayta rurankapak hapirka. Chaymanta chay kuskapa ñankunata wicharirka. Wakin chapakkkuna chay kuskapi kashkakunami runakunata anchuchirka shina ninata harkankapak; kipaman Ninawañuchikkuna chayarka yanapankapak.
Fiscalíapa Twitter pankapika, chusku runakunatami huchachirka, chay wakllichinkapak kashkamanta, chapakkunapa antawata rupachishkamanta nirka. Shinallatak Fiscalíaka mana chapakkuna kanchu nirka. 
Fiscalíaka chay willaypillatakmi chay ishkay runakunata wichkaywasiman kachashka, shinallatak ishkaypurataka mana mamallaktamanta llukshita ushanchu nishpa churarka. 
Comments are closed.