22 wayru killapi, Libertad de Expresión pankapimi shuk willayta llukchirka Michael Aulestia Salazar Conadismanta 95% tisikupankata (carnet de discapacidad) charin nishpa. Shinallatak, chay willaypillatak Conadis tisikupankapika, Michael Aulestiapa tukuy atikllakunata churashka, tukuy shutikuna, yupaykunapash. Shinapash, chay nishkakunaka llullami kan.
Rikushpallatakka, chay rikchaka shuktakyachishka kan, shinallatak tukuy shutikuna, atikllakuna, kikinyari yupaytapash hawalla churashka kan.
Ecuadorpa Servicio de Aduana kamaywasipa pankapi, maypi tukuy discapacidad charik runakunamanta killkashkata charin, chaypi maskashpaka mana Aulestia shuti rikurinchu, chaypi nin Aulestia Conadis tisikupankata mana charinchu.
Kunan pachapika, Aulestiapa twitter pankapika AHORA tantanakuyta pushak kakta rikurin, Pichincha markamanta shinallatak Sociedad Patriotica tantanakuywanpash pakta llamkan. Chayshuk yallishka hunkaypika Aulestimi shuk pankata Tribunal Contencioso Electoralpi churarka Andrés Arauz, shinallatak Carlos Rabascall ama CNE ari nichun killkaripi.
Comments are closed.