Lucio Gutiérrez, Sociedad Patriotica tantanakuymanta, kay 2021 akllaykunapi kakrin. 3 sasi killapi, Radio Sira shuk tapuykutichipimi nirka pay pushakkakpimi “Ecuadorka 9% kullkikamayka mirakurka, Chilepa yalli” kashka. Chayka mana shina kanchu, llullami kan.
(video completo)
Gutiérrez, 15 kulla killa, 2003 watamanta, 20 ayriwa killa, 2005 watakamanmi Ecuadorpa pushak karka, shinapash runakuna hatarikpimi llukshirka. Wakin puncha hatariy tiaykpimi Gutiérrez shuk helicópteropi llukshirka.
PIB nishkami rikuchin imashinatak kullkikamay katikun, shinallatak pachakunapika mashna charishkakunamantapash rikurin. Banco Mundial nin, Ecuadorpa PIB 2003 watapika 2,7% mirashka, 2004 watapika 8,2%, shinallatak 2005 watapika 5,3%. Chile mamallaktapika 4,1%, 7,1% shinallatak 5,7% chay watakunapillatak.
Chay yupaykunata chimpapurashpaka Gutiérrez, ecuadorpa punta pushak kakpika, Chile mamallaktapak yalli kullkikamayka mana mirashkachu. Chay kimsa watapika 5,4 ecuadorpi kullkikamay mirashka, Chilepika 5,6%, chaymanta Lucio nishka mana shina kanchu. 2004 watapi Ecuadormo 1,1% mirarka , Chile mamallaktapak yalli mirarka.
Tukuy America Latina llaktakunata rikushpaka, 2004 watapimi tukuy mamallaktakunapi kullkikamay mirashka, mana Ecuadorpilla kashkachu. Banco Mundial nin, 2004, 2014 watakunaka achkatami petróleo katuk kashka, ashtawan kullkipakpash, katunkapak alli kashka chay watakunapika. Banco Central nin, petroleoka 20$ , 30$mi karka. Katik watakunapika ashtawan karka 40$ , imashpatak “Irak makanakuy, katipika China, India, Japón shinallatak EE.UU ashtawan mañaykuna tiyakpi”.
Gutiérrez pushak kakpika combustiblekunaka ashtawan kullkipa churarka, shinallatak tukuy ruraykunapakpash killkuta anchucirka. SHinallatak, Fondo Monetario Internacionalwanpash, Mauricio Pozo shuk pankata ari nishpa aspirka. Chay ruraykunatami churarka, chaymantami runakuna hatarirka, shina kakpimi PSC, Pachakutik tantanakuykunapash sikanyarirka.
Comments are closed.