Redes socialespimi shuk willayta llukchishka Unión Ecuatorianapa llamkayñanka 22 pankakuna wikipadiamanta hapishpami churashka, nishpa. Chay nishkamantaka 61% llamkayñan wikipediamanta hapishka kan chaytami CNEpi tiyakun. Chayka shinami kan.
Ecuador Verifica chay Unión Ecuatorianamanta pushak tukunkapak llamkayñanta CNEpi kashkatami rikurka shinallatak wakin yuyaykuna Wikipedia pankamanta hapishka rikurirka. Ecuadorpa kullkikamaymanta, ñapakawsaymanta, shinallatak kapaktukukamaymantapash killkashkakunata hapishka. Pushak tukunkapak llamkayñanka 36 pankakuna kan, chaykunamanta 23 pankata wikipediamanta hapishka kan. 63,8% llamkayñan mana pay rurashka kanchu.
GK zirma willay pankapi shuk tapuykutichipimi, 4 kapak killapimi Giovanny Andrade nirka pushak tukunkapak llamkayñanka wakin yuyaykunaka wikipediamanta hapishkami kan. Shinallatak nirka kay llamkayñanka ashtawan willayshina kan imashinatak mamallakta kakta, chaymanta mana copia kanchu chay pankamanta, nirka.
Chay tapuykutichipillatak nirka “chay willaytaka imashina kakta hapina shinallatak mana mutsurishka willay kanchu”. Shinallatak nirka kay llamkayñanta rurankapakka shuk asesoría churashka paykunapa tantanakuymanta chaytami CNEpi churashka shinapash mana tukuy pankakunata churarita ushashka maypi nikun wikipediamanta llukchishka kakta.
“Mana Politico kashpaka yanapachun sakinchik, chaymanta pantaykuna tiyan” nirka Andrade. Shinapash shuk llamkayñanta CNEpi churakrin mana paypa yuyaykuna kanchu shinallatak “CNEmantami shina churachun sakishkanka” nirka.
Chaykunamantami Unión ecuatoriana tantanakuyka, 30 sasi killapi Giovany Andrade pushak tukunkapak kashkamanta anchuchichun ninakurka. Shinapash CNE kamaywasika mana chayta rurarita usharinchu nirka.
César Rodriguez, chay tantanakuypa pushak willachirka kay 10 kapak killapi ñana pushak tukuchun yanapakrinchu nishpa. Pushak tukuchun akllaykunapakpash mana kullkita hapinkachu, nirka.
Giovanny Andradepaka paypa yachaykunamanta pankakutapash mana Ecuadorpi ari nishka kanchu. Shinapash Andradepa LinkedIn pankapika administración minera yachayuk kan nin. Ecuador Verifica maskarka Secretaría de Educación Superior, Ciencia, Tecnología e Innovación (Senescyt) pankapi, mana ima yachaykunamanta rikurinchu.
Comments are closed.