Facebookpi shuk willayta churarka nishpa Guillermo Lasso kamaywasikunamanta llamkakkunata anchuchikrin. Llullami kan. Ecuadorpa pushakka, wakin tapuykutichikunapimi llamkakkunata mana llukchinkapak nishkachu.
Ecuador Verifica chay nishkakunata hapishpa wakin maskaykunata rurarka, shinapash mana imatapash tarirkachu. 16 ayriwa killapi, 2021 watapi, shuk tapuykutichipimi Expreso pankapi nirka “gasto públicota” mana yapa kana kanchu, chaypika yapami rikun.
Chay tapuykutichi, Ecuadorpa pushakka mana llamkaymanta anchuchikrinchu nirka: “ mana llamkakkunaman shitakrinchikchu, ima ruraykunapa ñapash, alli kachun rikuna, shinapash asha asha rishun, ama shuwaykuna tiyachun, shinallatak tukuymanta llamkankapak”.
Rikchatapash maskarirka shinapash mana maypipash rikurirkachu.
Chay rikchapika El Comercio pankapak unanchatami churashka, shinapash mana achiklla rikurinchu, shuktakyachishkami kan.
Chay rikchapi kamaywasimanta llamkakkunaman llukchinkapak niku, shinallatak El Comercio pankapa unanchata churashka. El comercioka mana ima shina rikchata llukchishkachu
Tukuchinkapakka, Lasso pushakpa willachikkunakami nirka mana shina kanchu, llulla kan. Guillermo Lasso mana kamaywasikunapa llamkakkunaman cnchuchikrinchu.
Comments are closed.