Shuk willaytami Machatropolis Facebook pankapi llukchishka Carlos Falquez asambleísta “Mamallakta Tantanakuypi mana kuska tiyakpi chaymanta llukshikrin” nishpa. Chayka llullami kan. Falquez Mamallakta Tantanakuymanta mana llukshikrinchu.
Carlos Falquez Batallas, El Oro markamanta, Social Cristiano tantanakuymanta (PSC) shinallatak puntaka Machala kitita pushak karka. Paymi kay 15 aymuray killapi 2021 watapi, Mamallakta Tantanakuyta pushakkunata akllaypimi karka. Falquez, shinallatak shukkunawanpash Mamallakta Tantanakuypa rimanakuy manarak tukurikpillata sakirkakuka, mushuk pushakkunata mana allikachishpa .
Mamallakta Tantanakuyka pushakkunaka (CAL) shinami sakirirka: Guadalupe Llori pushak, Virgilio Saquicela (Democracia Sí) shuk niki katik pushak, Bella Jimenez (ID) ishkay niki katik pushak. Vocalkunaka Darwin Pereira (PK), Nathalie Arias (CREO-BAN), Ronny Aleaga (UNES), shinallatak Johanna Moreira (ID).
Mamallakta Tantanakuy 2021- 2025 pichka tantanakuykunamanta sakirirka: UNES, Pachakutik, ID, PSC, CREO, Acuerdo Nacional (BAN).
Falquez puntamantallatak pushak kashka. Markapa pushak, Mamallakta tantanakuypipash El Oro markamanta shutipi kashka, Machala kitipa psuhak 2005 watapi shinallatak 2014 watakama. Shinami Mamallakta Tantanakuyman chayashka, shinapash chayta sakishpami Prefecturaman chayankapak munarka. Kay pawkar killapika Mamallata Tantanakuyman chayarka El Oro markapa shutipi.
Comments are closed.