Shuk willlayta Facebookpi churashka chaypimi Guadalupe Llori, Mamallakta Tantanakuy pushakpa rikchata llukchishka chaypimi nin “kallariy rimanakuypika kawsaykama sueldota anchuchinamantami churashka”. Chayka llullami kan Mamallakta Tantanakuypa pushakka mana imatapash nishkachu, shinallatak rimanakuykunapipash chaytaka mana kanchu.
17 aymuray killamantami chay willayta yallichinakun, shinapash chay punchaka Mamallakta Tantanakuy mana ima rimanakuy, tantankuy rurarkachu. Mushuk pushak rimankuykunata rurashkaka 18 aymuraymi katirka, shinapash mana chay kawsaykama sueldomanta rimanakuy tiyarkachu.
19 aymuray killapika, 709 rimanakuytami Mamallakta Tantanakuy rurarka, chaypimi Parlamentarios Andinokunata shutichirka. Mamallakta kamachipimi Mamallakta Tantanakuy mushuk pushakkunata shutichishka kipa, pichka puncha kipaka Parlamento Andinopa akllashkakunata shutichina, chayka Mamallakta kamachipimi tiyakun.
Kaykunami rimanakuypi karka:
Losep kamachipimi nikun chay kawsaykama sueltomanta 75% killan killan llamkashka kullkimanta kuna kan. Chayka maykankuna Ecuadorpa Pushak, katik pushak kashkakunapash chay kawsaykama sueldota hapin. Kaymanta wakin rimanakuykuna tiyashkami kay watakuna, shinapash mana anchuchinchu. Maykankuna mana pushak kashpa katikpi, ima huchachishkakuna charikpipash chay kullkita shayachina nin. Chaytamai kayna wata Apoyo Humanitario shutichishka kamachita ari nishka sakirirka.
Pachakutikmanta, Guadalupe Llori, Mamallakta Tantanakuypa pushakka mana chay kawsaykama sueldomanta rimarkachu shinallatak mana ima tantanakuykunapipash chay kamachimanta rimankapak karkachu.
Facebook llulla rikcha yallichishka, 247.800 runakunami rikushka, shinallatak 1.400 kutintakmi yallichishkakunapash.
Comments are closed.