24 raymi killapi, shuk willachiy tantanakuykunawan rimanakuyta rurarka Ecuador Verifica tantanakushkakunawan imashinatak llamkashka, paktaykunamanta. Kay tantanakuyka llulla willaykunata harkankapakmi wiñarirka, 2021 pushak akllaykunapak karka.
Kay rimaypika César Ricaurte, Fudamediospa pushak shinallatak Ecuador Verificapa rimak, Gabriela Alvear, Diagolo Diversopa shinallatak Ecuador Verificapa rimak. Shinallatak Yalile Loaizapash rimarka.
Ecuador Verifica 2020 watapimi wiñarirka, tantanakushka kan willachiy tantanakuykuna, Hatunyachawasikuna, wakin tantanakukuna shinami llulla willaykunata harkankapak, shinami nirka Gabriela Alvear, Dialogo Diversomanta pushak.
Alvear nirkami aymuray 2020 watapi kay tantankuy wiñachirishkamanta, 28 tantanakushkakuna: 15 willachiy tantanakuykuna, 6 runakunapa tantanakuykuna, shinalaltak 7 hatunyachanawasikuna. Ecuador Verifica kunan pachapika 34pura tantanakushka kan: 18 willachiy tantanakuykuna, 9 runa tantanakuykuna, shinallatak 7 Hatunyachanawasikunapash.
Ecuador Verifica wacharin llulla willaykunata maskankapak, alliyachashka willaykunata llukchinkapak shinallatak yachachinkapak zirmakunamanta, shinami 2021 akllaykunapi yanapankapak.
César Ricaute, Fundamediospa pushak nirkmi kay rimaypika llamkashkamanta willachinkapak kan, rikuchirka imamanta killakarishkata. Shinallatak, Ecuador Chequea 2016 llamkayñanta arinishkatami katishka, chaytapash willachirka.
Ricaurte nirkami 26 wayru killamanta 2020 watapi, shinallatak 16 raymi killakama 2021 watapi 387 alliyachashka willaykunata rurarishka, chaykunamantaka 131 pushak, katik pushak tukunkapak munakkunamanta kashka, shinallatak 256 Facebookmanta, Instagrammanta, Twitermanta kashka.
“Llulla willaykunaka 60% facebookpi yallichishka, Twitterpi 16%, 7% whatsapppi kipaka Instagram, Youtube, Tik Tok”nirka Fundamediosta pushak.
“Shuk alli willaypash kay llamkaypika kichwa shimipipash willaykunata llukchirkanchik” nirka Fundamediosta pushak. 83 willaykunata rurarirka, kaykunamanta alliyachashka willaykuna, zirmamanta yachachinkapakpash, shinallatak kichwapi kuyukshuyukunatapash rurarirka.
Ecuador Verifica tawka runakunamanmi chayarka. Ricaurte nirka 102 kutintak karu mamallaktakunapi, willachiy tantanakuykunapi llukchishka shinallatak redes socialespipash 1778 shutichishka.
Tukuchinkapakka, llulla willaykunata harkankapakka Ecuador Verifica tantanakuy kapak killakama 2021 watakama katinmi. Llamkayñan ashtawan kankrin tantanakuyta sinchiyachinkapak shinallatak zirma yachaykunamantapash yachachinkapak, pushakunamanta alliyachashka willaykunata llukchinkapak.
Comments are closed.