Facebook pankapimi shuk willayta yallichinakun Mataje chakata Colombiapa ecuadorpapash 14 karway killapi kallarichishkata paktarka nishpa.
Chay killkaypika Lenin Moreno kallarichirka shinallatak Guillermo Lasso kutintak kallarichin nin. Chay willayka llullami kan, shuk kutintak 14 karway killapi 2021 watapi kallarichirka. Chay willayka Ecuador shinallatak Colombia pushakkunapa pankakunapimi tiyakun.
Moreno kallarichishka ninkaka mana shina kanchu. Punta pushakka chay ruraykunata tukuchinkapak yanapaykuna tiyachunmi shuk tantankuypi Ivan Duquewan enero kulla killapi, Esmeraldas markapi karka.
Transporte kamaywasimanta pushakka chay chakata ruranamanta willachirka, 68,3 m charik, 12 hunu kullkuta churanamanta shinallatak San Lorenzo 22 runakunapak kan nishpami willachirka.
2018 watapimi chay kuskata riksishka tukurka, chaypimi wakin llakichishkakunapash “Guacho” Farc Oliver Sinisterra pushak kakpi tiyashka.
2020 kulla enero killapi El Telégrafo pankapi shuk willayta llukchirka, chayka mamallaktapak willachiy panka kan, shinapash nirka chay chaka mana maymanpash apanchu, shitashkami kashka ashtawanka narcotraficopakmi kan nishpa.
Shinapash, Ecuadorpa pushak shinallatak Colombiapa pushakpash chay chaka mutsurishkami kan, ashtawan kullkikamayta hatarichinmi nirkakuna.
Comments are closed.