Guillermo Lassota llukchinkapak munanakun nishpami shuk llulla willayta purichinakun chaytaka wakin tantanakuykuna llulla willay kanmi nishka.
16 kuski killapi 2021 watapa shuk willayta Facebook pankapi llukchishka Chaypimi nikun “ Mamallaktaka pushakta llukchinkapakmi yuyanakun”. Chay rikchapika Diario El Comercio unancha shina rikurin. Kipaka killkashka “Guillermo Lassoka asha punchakunatalla charin, mamallakta llakipi kan. Wakin Mamallaktapa kamachikkuna Pachakutikmanta, UNESmanta, PSC shinallatak shuk tantanakuykunamantapash pushakta llukchinkapak yuyanakun. Chayka llullami kan, Mamallakta tantanakuyka mana imatapash nishkachu, chaykunamantaka rimaytapash mana rimashkachu.
Mamallakta tantanakuymantaka tukuy willaykuna pankapimi kanki, shinallatak redes socialespi nirka, shinapash mana chay willaymanta tiyanchu. Shinallatak, shuk kayachita shinarka ima willaykuna tiyakpipash rikuna kan paykunapa pankamantachu llukshishka kan.
Ecuador Verifica tantanakuykunamanta pushakkunawan rimarka, Pachakutikmanta, UNESmanta, shinallatak PSCwanpash Lassota llukchinkapak willay tiyashkamanta. Rafael Lucero, Estaban Torres shinallatak Paola Cabezas llulla willaymi kan nirkakuna.
“ñukanchikpa tantanakuymantaka (Guillermo Lassota llukchinamantaka) llullami kan, llullapacha. Ñukanchikmantaka, mana chayta llukshishkachu, mana imatapash nishkanchikchu, mana chayta rurakrinchikchu”, nirka PSC tantanakuymanta Esteban Torres.
“ñukanchikpa tantanakuy mana yachanchu maymanta chay yuyay llukshishka, mana chayta yuyashkanchikchu (…). Chayka pantaymi kan (…). Mamallakta tantanakuymanta, ñukanchikpa tantanakuymanta mana chay yuyay llukshishkachu, maykanpash chayta nikukpipash mana yanaparinkachu”, nirka Paola Cabezas, UNES tantanakuymanta.
“Redes socialespi imatapash ninllami. Mamallakta tantanakuy wakin ruraykuanta charinchik, macha shina willaykunata. Guillermo Lassoka ecuadormanta runakunami akllarka. Shuk wata pushak kashpapash manatak paktanchu, mana chayta rikunakunchikchu, redes socialepami kan”, nirka Rafael Lucero, Pachakutik tantanakuymanta.
Chay rikchata rikurkanchik imashinatak llullanakun. Chay rikchataka shuktayachishkami kan, killkashkakunapash mana achiklla rikurinchu shinallatak El Comercio willay pankamantapash unachatapash mana achiklla kanchu.
Ecuador Verifica chay willayta maskarka redes socialespi shinallatak El Comercio pankapipash mana tarirkarirkachu. Shinallatak, chay rikcha maypi pushak llukshikun, 24 aymuray killamanta, pushak tukukuymantami kashka.
Comments are closed.