62% vacunakunami Chinamanta apamushkatami kay mamallaktapi churarishka. Estados Unidos 2 hunu mamallaktaman kunkapak nishka kan.
Facebook pankamanta shuk willay Guillermo Lassomanta llukchirka, chaypimi Naciones Unidas tantanakuypimi rimarka, Rusiamanta vacuna Sputnik V mintalay rurankapak nirka. Chayka shinami kan. Lassoka chay mamallaktawanmi rimarishka shinapash, “pachakuna yachikukpillaka”, shuk kallari taripay vacuna Sputnikta rurankapak ecuadorpi rurarinka.
ONU tantanakuykunapi, Nueva Yorkpimi rurarirka, Lassoka wakin rimanakuykunatami charirka. Nishpalla, cambio climático, añawllawtumanta, kari warmikunamanta. Chaypimi nirka 2 hunu vacunakunata Estados Unidosmanta chaskishka. Nirka: “Rusiawanmi rimarkanchik, katikunmi, chayka Ecuadorpi vacuna Sputnikta rurankapak usharinman”.
5 karway killapi 2021 watapa, Lasso pushakka shuk willaypi Rusia pushakwan, Vladimir Putinwan kayachishpa rimashka nirka. Shuk llamkayñanta rurarishka” ishkay mamallaktakuna yanaparinkapak, Sputnik V shinallatak Sputnik Light vacunakunata rurankapakmi munarin”.
ONU tantanakuykunapi, Lasso nirkami 62% vacunakuna Ecuadorpi churarishkataka Chinamanta apamushkami kan. Chayka shinami kan. Vacunómetro Hampi kamaywasimantaka 20 kuski killapimi 12’192.019 Sinovac vacunata shinallatak 384.407 Cansino vacunakunata churarishka.
Ecuadorpa pushakka: “ Latino América llaktakunaka tukuripimi kashkamanta kunanka kimsa nikipi kanchik Chile shinallatak Uruguay vacunashkakunamanta ñawpanakun”. Our World in Data, Uruguay shinallatak Chile Ecuadortaka mishakun mashna vacunashkakuta rikushpaka. Ecuadorpika 54,64%, Uruguay 73,49% shinallatak Chile 76,93% kan. Ishkay vacunata churarishkamantakamantaka, Ecuadorka pusak nikipimi kan.
Comments are closed.