Twitter pankapi @Pipo1178 killkaypika nin Ley de Oportunidades, pushak apakuktaka llamkashka kullkita urayman churankapak munan ( llamkashka kullkimanta) chawpita. Chay willayka llullami kan llamkashka kullkika Ecuadorpa Mamallaktakamachiypimi kan shinallatak kamachiykunamipipash chaykunamanta watapami churashka kan. Shinallatak, chay tuitka Guillermo Lassopa kamachiyka chusku watapa 500 llamkashka kullki kachun mana paktachita ushanchu; shinapash chayka paktay shina sakirita usharin, kamachiyta arinikpipash.
Mamallaktapa kamachiypa 328 nikipimi llamkashka kullkimanta willachin shinallatak mashnatak watapa kaktapash churan.
Vicente Albornoz kullkikamyta yachayukka Ecuador Verificaman nirka chay tuitka mana ima yuyayta charinchu, Guillermo Lasso kamachiy rurashkataka mana llamkaska kullkimanta rimakunchu.
Albornoz nirkami llamkashka kullkimantaka llamkakkuna shinallatak rurakamaykunawanmi arinina kan, shinallatak Llamkakkunapa Kamaywasiwan. Mana arinikkuna tiyakpika, Kamaywasimi ari nishpa churan.
Ashtawan kachun churankapak wakinkunamantami rikuna. Llamkakkunapa kamaywasipi 126 nikipi, llamkashka kullkimantaka “munashka mañaykunatami tiyana kan”.
Chay killkashka @Pipo1178, Christian Troya shutiwanmi kan, shinapash Revolución Ciudadana tantanakuy manñamanta kakta rikuchin, chay tantanakuyka Rafael Correatami yanapan.
Comments are closed.