2022 watapak killapi llamkashkamanta kullkikamantaka manarak churarishkachu. Llamkakkunaka Guillermo Lasso akllaykunapi nishkata paktachichun mañan USD 500 churachun, shinapash 1,47% mirachichun nin INEC kamaywasita katishpa.
2021 wata tukurikunmi shinallatak kamachita katishpa killapi llamkashkamanta kullkita 2022 watapak churana kan. Kaytaka llamkakkuna, llamkachikkuna, rurakamaykuna, Llamkakkunapa kamaywasipash rikuna kan. Chaymantami 5 dolarta mirachina nishpa yallichinakun. Chay willayka llullami kan, shinapash mana arinishkakuna tiyakpika mirachinami, Mamallaktapa pushakpash chayta churayta ushanmi.
Llamkakkunapa kamachika 118nikipi nikunmi mana arinishkakuna tiyakpika Llamkakkunapa kamaywasimi churayta ushanmi “Indice de precios al consumidor” patsakri rikushpa, shinapash kay 9 wata yallishkakunapika ashtawanmi kan.
Llamkakkunapa kamaywasika llamkakkunawan, rurakamaykunawan shinallatak pushakkunawanpash 2022 watapa killapi llamkashkamanta kullkimanta manarak churarishkachu, shinapash IPC hapishpaka 1,47% ashtawan urayman kanaka imashinatak INEC shuk llamkaywillaypi 2021 wayru killapi nishkata. Shina kakpika, USD 5,88 mirachinka.
Ecuador Mamallaktapa kamachipi 328nikipika Mamallaktami killapi llamkashkamanta kullkita churanka nin, mamallaktapa pushak decreto pankata llukchishpa churayata ushanmi.
Kay watapi llakikuna rikurinmi Guillermo Lasso akllaykunapi nishkaka 2022 watapak killapi llamkashkamanta kullki USD 500 churankapak karka, shinapash chayka shinami kan 10 wata yallishkakunapika shuk kutinllami llamkakkuna, llamkachikkuna 2016 watapi killapi llamkashkamanta kullki USD 375 kachun churankapak arinirkakuna.
Comments are closed.