Lulla willaykunaka killapi llamkashka kullkimanta kashka, rurakamaykuna shinallatak llamkakkuna arininkapak tantankuykuna
2021 wata ña tukurina punchakunapo kanchik shinallatak killapi llamkashka kullkimantapash 2022 watapa arinishka tiyana kan imashina Mamallakta kamachi nikukta katishpa. Chaykunamantami Guillermo Lasso USD 500 killapi llamkashka kullkita churakrin nishpa willaykunata llukchinakun. Chayka umachinkapak willaymi kan, chay nishkaka akllaypachakunapi nirka, shinapash 4 watapimi USD 500kama churanaka nirka.
Shuk kuyukshuyupi akllaypachamanta, Lassoka nirka “paypa pushak watakunapi”. 4 wata nishpa, USD 500kama killapi llamkashka kullkita churanka, chayka USD 25 watan watan nishpa. Chaytaka wakin rimanakuykunapimi nishka.
328 mamallaktapa kamachipika Mamallaktami killapi llamkashka kullkimantaka rikuna kan, chaypaka llamkakkuna, rurakamaykuna, Llamkakunapa kamaywasi rimanakuyta rurana kan.Mana arinishkakunata tiyakpika, Decreto panakata llukchishpami Indice de Precioas al Consumidor yupaykunamanta llukchina nin.
23 sasi killapi 2021 watapi ishkayniki tantankuy Consejo Nacional de Trabajo y Salarios rurarka shinami arinishpa mirachinkapa, shinapash mana arinirkakunachu.
Llamkakkunapa tantankuy (FUT) mañarka shamuk watapa USD 25 kachun, shinallatak sukta killa kipa mirachishpa richun USD 500kama chayankapak shina ishkay watapi paktachichun, mana chusku watapi, imashina Lasso akllaypachakunapoi nishkata.
Llamkakkunapa kamaywasipa pushak, Patricio Donoso, imashinatak llamkaypa uchilla kamachi nikun 188nikipi, 23 sasi killakaman mana arinishkakuna tiyakpika, mushuk tantanakuypak kayachinka shamuk hunkaypak nirka.
Comments are closed.