Marlon Santi, Pachakutik tantankuypa pushakka, Ecuador Verificaman nirka “Conaiemantaka mana rimanakuyta arininchu, chay rimanakuyka mana tiyanchu”
6 kapak killapi Conaie shinallatak Leonidas Iza pushakka Mamallaktapa pushaktaka rimanakuymanta rimarirkami, ID shinallatak Pachakutikpash Reforma Triburariamanta rimarishkamanta, kay ishkay tantankuykunaka rimanakuypakka mana arinishkachu nishpa. Chayka mana achiklla kanchu, Pachakutikka Ecuador Verificamanka “mana rimanakuykuna tiyanchu”nirka. ID tantanakuyka rimanakuypakka arinirkami.
Chay rikchataka Instagram Sour News pankamanta hapishka facebookpi churankapak, chay rikchapimi Mamallaktapa pushak llukshin, chaytaka 10 wayru killapi 2021 watapi Pachakutiwan rimanakuyta charishkamanta kan.
Pachakutik tantanakuypa, Marlon Santika, Ecaudor Verificaman willachirka “Conaie tantankuyka mana rimanakuy charikrinchu”shinallatak “pantay” kan nirka.
ID tantanakuymanta pushak, Alejandro Jaramillo El Universo willachi pankaman 7 kapak killapi paykunapa tantanakuykunaka rimanakuyta charinkapak maskankami nirka.
“Mamallaktapa pushaktaka mana uyaytalla uyachun mañashkanchikchu, ashtawan runakunata hamutachun mañanchik”, nirka Jaramillo.
Comments are closed.