Ecuadormanta pushakkunamantaka kaymi kallari kan. Kamanamanta, katuykunamanta shinallatak mushuk ruraykunamantapashmi karka. Chusku punchami chaypi kanka.
Redes socialespi chay rishkamantaka wakin llullaykuna mirarishka, Lassoka, Israelman rikun, wichkaywasikunapi llaki tiyakpi rikun nishpa.
Facebook pankapi willaykunaka pay shuk mamallaktapi purikukpika, wichkaywasimanta runakunaka kancha wasikunapimi purinakun; shuk llullayka kuyaymanta purinkapak rishka, wichkaywasikunapi llakikuna tiyakpipash. Chay willayka llullami kan, Mamallaktapa pushakka wakin ruraykunatami paktachikun, chayka puntallatak llamkayruraykunapi karka.
Mamallaktapa pushakka Kayna puncha Israelman chayashkami nirka. Wakin llamkaykunata paktachinkapakmi rishka shinallatak kamaypi, katuykunapi shinallatak mushuk ruraykunapakpash kan nirka. Chay ruraykunaka awaki punchami kallarirka, kayapa kayami tukurinka.
Israelmanka shuk kutinlla Ecuadormanta pushakkunaka rishka. Chay rishkapika Israelmanta pushakwan, Isacc Herzog, Naftalí Bennettwanpash tantanakuyta charinka, shinallatak ishkay mamallaktamanta llamkaykunamantami rimanka nirka.
“Israelman shamushka wakin paktaykunami charinchik; Ecuadorta sinchiyachina kamaypi. Wakin ruraykunatami kay punchakunata rikukrinchik”, shinami Lasso pushak Twitter pankapi nirka.
Inti punchapika, Lasso nirka: “Shukniki kan Israelman Ecuadorpa pushak rikukta. Jerusalénpimi awaki puncha kashun, chaypimi wakin paktaykunapakmi llamkashun (…)” .
Mamallaktapa pushakkunamantapash shinallatakmi willachirka.
Ecuadorpa wichkaywasikunawanka imatak tukurka
Kay awaki punchapi Santo Domingo wichakaywasipimi wañushkakuna tiyashka. 44 wañuchishkakunata sakin.Awaki tutamantapi, Bellavistapi, Santo Domingopi makanakuykuna tiyarka. Lasso pushakka twitter pankapi killkakurka. Wichkaywasipi kutin ñawpapi kayta ushashka nirka.
Ministerio del Interiormi ñawpi sakirishka, tukuy mamallaktapa shutipi.
Comments are closed.