Guillermo Lasso, Ecuadorpa pushakka Pacífico Kullkikamaywasita katukrinmi nirka. La Postapi shuk tapuykutichipimi shina nirka “katunkapa kan”. Chaytami wakin runakunami 30 ayriwa killamanta facebookpi yallichishka. Ari, shinapash, chay kullkikamaywasita katunkapakka Rafael Correapash shinallatak nirka.
“Pacífico Kullkikamaywasita mana ñuka rantikrinichu”, nirka Lasso. KArullaktamanta kullkikamaywasikuna shamuchun yuyay kan.
Guillermo Lasso, presidente electo del Ecuador, confirmó la venta del Banco del Pacífico 🏦. Explicó que su objetivo es que haya más competidores en el sector de la banca 🙌🏼. Ponte mosca con su análisis en #CaféLaPosta. pic.twitter.com/pf94lXmTen
— La Posta Ec (@LaPosta_Ecu) April 30, 2021
Anderson Bóscan, la Postamantami tapurka Fidel Egaschu Kullkikamaywasita rantikrin. Chaypimi Lasso kutichirka “payka ashtawan hatun kullkikamaywasikunatami rikun. Ashtawan kullkikamaywasikuna tiyachun munanchik”.
Lassoka chay kullkikamaywasita hatunkapakka tukuyta katishpami kanka, karu mamallaktamanta Ecuadorman shamuchun.
Mana mushuk yuyay kanchu
Pacífico Kullikamakwasi tukuykunapak kan 51%. Tukuy charishkataka Coorporación Financiera Nacional (CFN) 2011 watamanta kan.
Mana kay pachapilla shina hatunkapak yuyay tiyashkachu. 2016 watapi, Rafael Correapash kullki illakpi chay kullkikamakwasita hatunkapak nirka, allpakuyuymanta llakikuna tiyarka chayta alliyachinkapakmi nirka. Shinapash katunamantaka shayarishka sakirirka 2017 akllaykunamanta. Soledad Barrera, CFN kamaywasita pushakka El Comercio panka willaytaka Lenín Morenomi “kullkikamakwasita katunamantaka ari ninka”.
Ecuadorpa pushak, Lenin Moreno shuk llamkayñanta llamkayñata “monetización de activos” nishkatami churarka, shina mana tukuykunapak (público) kachun. Chaypika BDPta churarka. 2019 CFNka Kullkikamakwasita katunkapakka tukuy paktachinkapak pakashka kaska shinallatak katunkapak arininakuykunapipash.
2019 wayru killapi, Finanzaspa katik pushak, Ricardo Martinez, katunamanta willachirka, shinallatak Corporación Nacional de Telecomunicaciones (CNT), Hidroeléctricapash, chaywan estrategia rurayñan karka 2.000 dólar kullkira tantachinkapak 2020 watapi. Chay pachapika, Martinez nirka chay chaniyayka kulla killapi, 2020 watapi turinka. Shinapash, chay kimsamanta katuna nishkaka 2021 watakama mana ninakushka tiyanchu.
Pacífico kullkikamakwasi ashtawan hatun kan Ecudorpika. Tukuy charishkakunamanta, 6.943 hunu kullki, chaywanmi ishkay nikipi sakirin Pichincha kullkikamakwasi kipa (12.436 hunu), chay kipaka Guayquik kullkikamakwasi (5.801 hunuwan), chaytaka Asociación de Bancos Privados del Ecuador (Asobanca) nin. 2021 pawkar killapi, charishkakunaka $812 hunu kullki kan, chayka shuk nikipimi sakirin.
Chay facebookpi llukchishkaka 1.700 runakunami rikushka, shinallatak 34 chaymanta killkashka, 896 runakuna chay willayta yallichishka.
Comments are closed.