Ximena Peña, Alianza Pais tantanakuymanta, Ecuadorpa pushak tukunkapak munak kan. Paymi Diario El Comercio shuk tapuykutichipi kullkikamaymanta rimarka, ashtawan sinchiyachina nirka “uchilla, hatunlla, economía popular y solidaria kullkikamaypika llaki kan, shinallatak mamallaktapika 64% llamkaytami wiñachin”. Chay nishkaka mana shinapacha kanchu, chay patshakri kushkaka economía popular y solidariamantalla kan.
2913 – 2017 watakunamanta Plan Nacional de Desarrollo llamkayñanpimi, 8 paktaypi nin “Llaktakunapa kullkikamaymanta paktaykuna” chaypimi chay patshakri kan, shinami Ecuador Verificaman nirka Ximena Peña. Mamallaktapi mashna llamkay tiyakta chaypi rikuchin, economía popular 64% kan. Shinapash, kay pachakamanka yupaykuna killkarishka EPS mashna llamkay wiñachiktaka mana tiyanchu.
Directorio de Empresas INEC kamaywasipika llamkaykunamantaka hatun, uchilla kamaywasi kakta rikushpami kan. Tukuri Llamkaywillaypika uchilla rurakamay (empresa) 18,7% Ecuadorpi llamkayta wiñachin , shinallatak hatunllaka 17,21%; nishpaka kay ishkay rurakamaymantaka 35,47%. Uchillapacha rurakamaywanka 60,45% tukun.
EPS kamaywasika wakin tantanakuykuna yaykun, ayllullaktakunapa rurakamay, rurakamay, shinallatak maki ruraykunapa tantanakukuna, hatuk rantikkunapash, shinami Ecuador Verificaman nirka Luis Ibarra, IEPS kamaywasipi llamkak.
Shinapash, Ibarra nin “mana uchilla rurakamaykuna kanchu. Ecuadorpika 15,500 tantanakuykuna kan, kullkikamaykuna, hatukkunapash. Mana llakipi kashkakuna kanchu, kullkikamay shuk ruraykuna kan”.
Shinallatak, asha taripaykunata rurashkamanta chay yupaykunata llukchirishka, manarak killkarishkakuna tiyanchu.
Mamallaktapak kamaywasimanta, MIpymes, Ministerio de Producciónmanta Roberto Estevéz, 2019 nishkatalla taririrka. Paymi nin Mipymes shinallatak EPS kullkikamayka 68% llamkayta wiñachin. Ecuador Verifica chay kamaywasita yupaykunata mañarka kay watamanta yachankapak, shinapash kay killkay tukurinkakamanka mana ima kutichirkachu.
Comments are closed.