Alianza País tantanakuymanta, Ximena Peña Ecuadorpa pushak tukunkapak akllaykunapi kakrin. Paypa llamkayñanta rikurkanchik, 4 yuyayta hapirkanchik alliyachashka willaykunata llukchinkapak. Chay chuskumantaka shuk llulla tiyan, ishkay shinapacha shinallatak shuk pantaypak. Llamkayñanpika yakumanta, internetmanta, llamkay illakkunamanta, imashinashinata llamkayta wiñachinamantapash nikun.
Shinami: “llamkay illakkuna 4,4% mirashka, 2019 raymi killapi, 2020 raymi killakamanka 13,3% mirashka”
(ENEMDU llamkaykunamanta taripaypi 2019 raymi killapika, 4,4% llamkak illakkuna karka; aymuray killlapi, Raymi killapi 2020 watapika 13,3% tukuy mamallaktapi. Ashtawan llamkak illakkuna mirashka kay covid-19 unkuypachamanta.
Shinami: “70,1% mamallaktamanta runakuna alli yakuta charinkuna, shinallatak ayllullaktakunapika 51,4% alli yakuta charin”
Ecuador mamallaktapika 70% runakunami alli yakuta charin, mikunkapak, shinallatak ayllullaktakunapika 51,4% runakuna alli yakuta charin. Kay yupaykunaka ODS kushka kan Indicadores ODS Agua, Saneamiento e Higiene 2016 watamanta.
Ari, shinapash: “ ayllullaktakunaka 16,4% runakunami internetta charin, kitikunapika 44,6% mana yallinchu”
Ximena Peña nishka mana shinapacha kanchu, 2018 watapa yupaykunawan pakta rikurin, kitikunapi 46,6%, shinallatak ayllullaktakunapi 16,1%. Shinapash 2019 taripaypika, tukuy mamallaktapi ashtawan 8,4 % mirashka, chayka 45,5%. Ayllullaktakunapika 21,6% karka, kitikunapika 56,1%.
Llulla: “Uchilla rurakamayka 63% llamkaykunatami Ecuadorpi wiñachin”
Alianza País llamkayñanpi nin, uchilla rurakamaykunaka 63% llamkaytami ecuadorpi wiñachin. Chayka llulla kan. Inec taripaykunata rikushpaka 2020 watapika, uchilla rurakamaykuna 24,98% llamkayta wiñachin, hatunllakunaka 17,21%, hatun rurakamaykunaka 39,54% llamkayta wiñachinkuna.
Comments are closed.