El Comercio rimanakuypi, pushak tukunkapak munakkunawanka, Ximena Peña, Alianza Pais tantanakuymantaka nirka “3 hunu wawakuna mana charikkuna kan”. Chay nishkaka mana kay pachapa yupaykuna kanchu, ashtawanka shamuna pachapi imashinatak kakrin. Mana charikkunamanta rimakun.
Kamaywasika 3.1 hunu warmi, kari wawakunamanta, shinallatak wamprakunamanta mana tukuyta mutsurishka charikkuna tukunka nirka, shinallatak kay llaki unkuypachamantapash ashtawan mana charikkuna kanka.
Henrietta Fore, UNICEF pushakka nirka kay llaki unkuy pachapika wakin llakikuna rikurirka, shinapi wawakuna kan, mana tukuyta charishkamanta, shinallatak ashtawan wakchakuna tukunka. Shinallatak ashtawan llakikuna tiyakpika ashtawanmi tukunka, nirka.
Comments are closed.