Concejo Nacional Electoral (CNE) rimanakuypimi Andrés Arauz, Unión por la esperanza tantanakuymanta nirka “ñukanchikllami vacunata apamunkapak rikushkanchik». Chay nishkaka llullami kan, Argentinapi vacunata rurarin shinapash tukuy mamallaktakunapakmi kan.
2 (enero) kulla killapimi, Facebookpi rimarka, chaypimi nirka Alberto Fernándezwan, Argentinamanta pushakwan rimashka vacunata Ecuadorman apamunkapak.
Shinapash, 2020 watapi, agosto killapika Oxford hatunyachanawasi shinallatak AstraZeneca ñami willachirka 150 hunu, shinallatak 250 hunu vacunakuna America Latina llaktakunapak kan nishpa. Shinallatak, America Latina llaktapika mAbxiencemi kunka, paykunami Oxfordpa vacunakunata rurakun.
Panchi killapi, mAbxienceka Buenos Airespi, Argentina mamallaktapi shuk mushuk ukuta wiñachirka.
mAbxiencepa pushak, Esteban Corley nirka 2021 watapi, kallariy sukta killapimi vacunakuna kanka shinallatak alli vacunta rurankapakka wakin nikikunata yallinami nirka. AstraZeneca vacunakunaka tukuykunamanmi paktachinka nirka.
Comments are closed.