Willayta Guillermo Lassomanta yallichinakun mamallaktapa antankata hapishka “chayta Correa rantishka kan” Miamiman rinkapak, Estados Unidos chay mamallaktapi hampirinkapak. Shuk willaypipash nin chay llaktapi paypa churipakchuri wacharishka. Chay ishkay willaykuna shinami kan.
Lasso 20 raymi killapi Miami, Estados Unidosman rirka, chaypi hampirinkapak rirka. Paypa warmiwan, Lourdes Alcivarwan Dassault Falcon 7X antankapi FAE052 killkarishka. Antankaka 2013 watapi Rafael Correa rantirka $48 hunu kullkipa, chayta nin EL UNIVERSO.
Lasso manarak antankapi rispallatak nirka “kay chukrihampiy chillay puncha kakrin, hampinawasiman yaykusha wanra punchata shinallatak kullka punchata mana kashpaka Chaska punchata llukkshisha. Kipaka wakin punchakuna allitukunkapak katikusha shinallatak chankakuta alli tukukpi purinkapak kallarinkapak”.
24 aymuray killapi, Lasso Decreto panka 4 llukchirka Código de Ética churashpa. Chaypimi 6nikipi nin “pushakkunapa antankakunaka pushakkunapak ruraykunapakllami kana kan. Shinallatak maykankuna chay antankapik rikpika shutikunata willachina, shinallatak mayman rikun, mayman chayakrin, imamantapash, 48 pacha puntalla chaytaka willachina, nin.
16 raymi killapi, Lasso Decreto panka 86 llukchirka 20 shinallatak 30 raymi killapi maykankuna rinakun: María de Lourdes Alcívar, Pushakpa warmi; Wilson Sánchez, Pushakpa kamak; Edison Conde, Pushakta rikuk; shinallatak, Clara Avilés, pushakpa warmipa rikuk.
Chay pankapi nikunmi Alcivar “mana kullkita chaskinkachu. Shinapash, kimsa runakuna pushakwan pakta rinakunkunaka kamaywasipa kullkiwan rinka.
Decreto pankapi, nin “mana ari nishka kanchu ayllukunawan pushakpa ruraykunapi kachun, mamallaktapa ruraykunata rikunkapakpash”
Redes socialespi Pushak rikukpi wakin rimanakuykuna wiñarirka, tukuykunapa ruraychu kan, pushak chay antankapi rinachu karka nishpa. Shuk arinishka pankapi Acuerdo SGPR-2019-0327 Pushakpa killkakamaywasi rurashka 11 sasi killapi, chaypimi nin Pushakpa, katik pushakpa “tukuy ashtariykunapa”.
Shinallatak, Casa Militar tikuyta rikunka Pushakman, karik pushakmanta shinallatak “ayllukunamantapash rikunka, ima ruraykunapi kakpi, shinallatak antankapimi apanka kamankapak, ama llakikuna tiyachun, kamankapak”.
Eduard Bonilla, La Posta shuk entapuykutichipi rurashkapika nirka “Pushakka mana chayta katinkapak munarkachu, shinnapash kamakkunami chaytaka rikuan kan, shinallatak Pushakka kamachitami katina”. Bonillaka, nirka Lasso kamashka kachunmi mamallaktapa antankapimi rina.
Pushakpa allikayka tukuy mamallaktapak alli kan, chayka llamkaymantapash kan (…). Ecuadorpa pushak kashpaka mana hawalla kanchu”, nirka Daniel Pontón, IAEN hatunyachanawasimanta.
Pontón, rimaypika Lassomanta rimaykunaka wiñarishka psuhak kankapak pachami antankakunata hatusha nishakamanta shinallatak “pushakpaklla antanka kakpipash rimarka”.
Alianza Regional por la Libre Expresión e Información willaypika, pushakpa allikayka tukuy mamallaktapakmi mutsurishka kan.
Katik Facebook willaypika Lassomanta rimarikuna tiyan “pushakka hatunyaya kutintak tukurka ishkay puncha manarak hampinawasiman yaykukpi, mamallaktapa antankapi rirka, kamachipika mana paypa ruraypaklla kanchu nin”. María Lasso Alcivarpa churi wacharirka Miamipi, shina willachirka EL UNIVERSO willaypanka.
Comments are closed.