Guillermo Lasso shinallatak Alfredo Borrero mana “puritalla purinakunchu”. Pushak shinallatak katik pushakka karumamallaktakunapi ruraykunata charinmi
Facebook pankapi shuk willayta pushak, Guillermo Lassomanta llukchirka, shinallatak Alfredo Borrero, katik pushakmantapash, karumamallaktapi “yankatalla rikurinkapak”. Paykunapa kipikunata ña ruranakun purinkapaklla. Chay willayka umachinkapakmi kan. Lassoka Felipe VI Españamanta shinallatak Reino Unido, Escociamantapash rikunkapak rinka. Borreroka Alemaniaman hampimanta yanapykunata charinkapak rikun.
Borrerola Berlínpi 24 wayru killapi tantanakurka, Lothar H. Wieler, Roberth Kochwan, hampimanta shinallatak unkuykunata harkak pushakwan. Shuk willaypika, hampipa yanapayta charinkapakmi kayachishka. Shinami taripay ukukunata shinallatak Ecuadorpa hampi taripaykunata sinchiyachinpak paktay kan nirka.
Shinallatak, Covid-19 unkuyta taripayta rurankapak yachaymanta rimarka Ecuadorpi churankapak. Borrero karumamallaktawan pakta llamkankapak arinirka.
26 wayru killapi World Health Summit shuk rimashpa kanka.
El decano del Charité,🏥🇩🇪 Dr. Axel Pries, señaló que desea profundizar el intercambio entre científicos alemanes y ecuatorianos para luchar contra la pandemia, a la vez que informó que está dispuesto a recibir peticiones de Quito🇪🇨 con respecto a la agenda de salud mundial.🌍⚕️ pic.twitter.com/oCiu2nYu7j
— Embajada del Ecuador en Alemania (@EmbajadaEcuDEU) October 25, 2021
Shukmantaka, EFE willaypash nirka, Guillermo Lassoka Españaman sasi killapi rinka. 28 wayru killapimi llukshinka, Madripika 29 shinallatak 30 kanka. 31 Glasgowman rinka, Reino Unido, ONU Pachamamapa chirikunukmanta (COP26) rimanakuyman rikun.
3 sasi killapi Escociamanta Madridman tikramunka, Felipe IV aukiwan llamkankapak shuk pushakkunawanpash. Wakin pushakkunawan, yachachikkunawan, rurakamaykunawanpash tantanakuyta charikrin.
Comments are closed.