Chay rikchaka 2014 watapi llukchishka kan, Borrero Metropolitano Hampiwasipa pushak kakpi Carondeletman rishka.
El Burriverso Facebook pankapi mamallaktapa katik pushakta, Alfredo Borrerota correista kaymanta llukchichun Fernando Baldaka mañan nishpa. Chay rikchapika Rafael Correawan llukshin. Chay willayka llullami kan.
Fernando Balda Ecuador Verificaman nirkami mana ima mañaykunata rurashkachu. Mamallaktapa katik pushak ukumantaka, chay rikchaka 2014 watapi llukchishka kan nirka.
Chay watapi, Correa punta pushakka Metropolitano Hampiwasiman rirkami paypa mama unkushka chaypi kakpi, shinallatak chay pachakunapika Borrero chay hampiwasipa pushak karka.
Kipamanka, Correa punta pushak, yupaychankapakmi Borreroman shuk pushakpa ruraykunaman kayachirka.
“Metropolitano Hampiwasipa pushakkunaman willachirkami shinapash kayachiman rirkami shinallatak chaypika shuk rikchata llukchirka”, shinami Borrero shuk killkaypi nirka. “Mamallaktapa pushakka mana Correawan kimiriya kashkachu”, nirka.
Mana ima willaykuna tiyanchi Borrero mamallaktapa katik pushak punta pushakwan kimiria kashkamantaka.
Comments are closed.