Redes socialespi shuk kuyukshuyuta yallichinakun Lassota karu llaktapi kak runakuna mana chaskinchu nishpa. Chay kuyukshuyuka puntamantami kan.
Shuk kuyukshuyu yallichinakurka, pushak Guillermo Lassoka Españapi runakunamanta mana chaskishka kanchu nishpa. Chayka llullami kan. Chay kuyukshuyuka puntamanta kan. Shinallatak, Willachiy kamaywasimanta llullami kan, nirka.
Chay kuyukshuyupika uyarin: “Lasso shuwapacha” “Shuwa”, shina shimikuna. Wakin runakuna chayta kaparinakun shinallatak kullkita tikrachichun mañan. Guillermo Lassoka shuk antawamanta llukshin napashpa shimi killparina illak.
Shuk kuyukshuyukunapash yallichinakun shinallatak. Facebookpika 26 kuski killapimi llukchishka 2021 watapi, maypi Lasso chay yurak antawapi rin, chay kuskapillatakmi kan.
2016 watapi, Lasso Estados Unidospi shina runakunamanta rimay tukurka. Chaypimi nirka New Jersey, Connecticut Queens, shina llaki aparka. Chay llakika, pushakka Correamanta kashkata nirka. CREO tantanakuyta pushakka La republica pankaman Correístakunami chaypi llakichirka , paykunami chay ruraykunaman yaykunapak munarka nirka. Chay kuyukshuyupika, feriado bancario nishkamantami huchachin. Chay willay pankapipash Lassoka chay churakunawanllatakmi kan.
Ecuador Verifica Willachiy kamaywasiman rimarka tapunkapak chay llakimanta. Paykuna nirka España mamallaktaman chayanapika mana chay llaki tiyashkachu shinallatak chay kuyukshuyuka punta watamantami kan. Shinapash, ima pachapi kakta mana yuyarinchu, nirka.
Comments are closed.