Yallishka watapi 3,9%kama chayarka, chayka covid-19 unkushkakuna mana tawka kakpi, shinapash chay nishkaka mana paktarirkachu.
Facebook pankapi nikun Banco Mundial shuk llamkaywillayta “Mamallaktakunapa Kullkikamaymanta” 11 panchi killapi riksichishka. Chaypillatak nikun, Ecuadorpa kullkikamayka 2022 watapakka 3,1% miranka. Chayka shinami kan.
Chay llamkaywillaypika tukuy mamallaktakunapi “urayman rinka”4,1% 2022 watapi nikun. Chayka, Covid-19 llaki unkuypachamanta kakta nikun. Chay llamkaywillaypillatak nikun America Latina llaktakuna shinallatak el Caribe ashtawan mirashka 6,7% kay 2021 watapi. Shinapash, 2022 watapika ashtawan 2,6% miranka.
Chay kamaywasi nishkaka 2021 watapi mirashka covidwan unkushkakuna mana tawkka kakpi. Kullkikamaywasika kullkikamay llakikuna ashtawan llakichishka ashtawanka kullkikamaywasikunatapash yallishkami.
Chile, Brasil shinallatak Paraguay chakishkapachapi kashkamanta kan, chaymanta combustiblekuna michata charinkapakpash ashtawan kullkipa katun.
Tukuy yuyaykunamantaka, kamaywasika Ecuador 2021 watapi 3,9% mirashka nin, shinapash 2022 watapika 3,1% miranka shinallatak 2023 watapakka 2,5%. Tukuy kay suyukunapakka 2,6% miranka shinallatak 2,7%. Chaytaka llamkaykuna tiyakpi shinallatak kullkikamaykunamanta ruraykuna tiyakpi alliyachinka nirka.
Comments are closed.