Shuk punta willayta kunanpachapa shina yallichinakun. Raymi killapimi, Mamallaktapa pushakman mamallaktapa tantankuy llukchinkapak ninakurka.
29 raymi killapi, Mamallaktapa tantakuyka mamallaktapa pushak, Guillermo Lassota llukchinkapak mana 92 akllaykunata charita usharkachu, chay mañayka UNES tantanakuymantami karka. Facebook pankapi UNES tantankuy Lassota llukchinkapak kallarinakun nin. Unes tantanakuyka 47 akllaykunata charita ushan shinallatak Pachakutikmantapash yanapankapak nishkami. Chay willayka llullami kan.
Mamallaktapa pushakta llukchinkapakka mana kutin rurayta ushanchu, 2025 watakamanmi Lasso pushak kanka. Chaymantami chay mañashka nishkaka llullami kan.
Raymi killapi, Correístakuna Lasso pushakta llukchinkapak mañakurka. Chayka mamallaktapi llakikuna tiyakpi karka, chaymanta 18 punchakuna hatariy tiyarka.
UNES tantanakuyka, 130niki mamallaktapa kamachita rikushpami chay mañaytaka churakurka.
Shinapash, Mamallaktapa tantanakuy 92 akllaykunata mana charita usharkachu. Shinallatak, 80 akllaykunata paktachirka. Chay mañaytaka Fernando Flores rurarka, chusku kamachi killkakkuna Lassota llukchichun churashka nishpa, shinapash chaytaka arinishka shinami yallirkakuna.
Kimsa punchatami, Mamallaktapa tantankuyka Patricia Núñez mañashkata rimanakurka, chay kipa 130 niki kamachimanta rikunkapak shina mamallaktapa pushakta llukchinkapak.
Comments are closed.