TCE kamaywasika Shushufindipa pushakpakka mana arinirkachu.
Marcelo Godoy, Shushufindipa pushak tukunkapak Revolución Ciudadana tantanakuymanta karka, shinapash kay shamuk 5 panchi killapi 2023 watapi akllaykunapi mana kakrinchu.
Marlon Digital TV pankapika, shuk killkayta churarka shinallatak ishkay rikchakunata, chaypika “Revolución Ciudadana 5 yupaywan tantanakuyka Shushufindipa pushak tukuchunka mana charikrinchu. Marcelo Godoyta mana arinirkachu, tantanakuymantaka manarak ima nishkachu”. Kay willayka shinami kan.
Sucumbiosmanta Junta Electoralka mana chay pushakta arinirkachu, CNE kamaywasika mana Godoyta chaskirkachu, TCE kamaywasimanpash kacharka shinallatak kay kamaywasimi imatapash ari nishpa mana nishpa kutichin.
Kutichipika, ninmi: “3 nikipi b killkapi, shinallatak 13 nikipi, h killkapi, akllaykunapak kamachipika, Godoy Potes Marcelo Paúl, mana chay llaktapi wacharishkachu shinallatak tukuri akllaykunapipash mana chaypi akllashkachu”, nin.
TCE kamaywasi kutichishka ki[aka, tantanakuyka 48 pachakunata mushuk pushakta akllankapak charirka, shinapash mana chay pachapi rurashkachu, Verónica Guaña nirka, payka markapa Junta Electoralmanta kan.
Chaymanta, revolución ciudadanaka kay 5 panchi killapi 2023 watapak Shushufindipa pushakta mana charinkrinchu.
Comments are closed.