Guillermo Lasso, CREO – PSC tantanakuymanta, shinallatak Andrés Arauz, Unes tantanakuymanta paykunapa llamkayñanmanta rimanakunka, Consejo Nacional Electoral (CNE) chay rimanakuyta rurakun.
Rimanakuyka Guayaquilpi kakrin, inti punchata 20:00 pachapi shinallatak chay rimanakuyka tukuy mamallaktapi rikuchun
18 pawkar killapimi akllaykuna tiyanka imashinatak pushka tukunakuna rimakuypi llukshinka, imashinatak rikchakunapi churanatapash.
Rimanakuypa shuk tantanakuy tiyan paykunami CNE kamaywasita yuyaykunata kuna imashinatak rimanakuy kana, imamantatak rimanamantapash. 11 puncha pawkar killapimi CNE shutichirka maykankuna chay tantanakuypi kakrin: Andrés Checa, Caterina Costa, Valeria Coronel, Paúl Palacios y María Paz Jervis.
Lasso shinallatak Arauz rimanka: kullkikamaymanta shinallatak llamkaymanta; hampimanta, vacuna, seguridad, wawakunapa mikunamanta; democracia; yachaymanta, shinallatak imashinatak karu mamallaktakunawan llamkakrin.
Andre Bernal, RCN shinallatak NTN 24 willachikmi chay rimanakuytaka apakrin.
Chay rimanakuyta ruranamantaka kamachipimi tiyakun, artículo 202.2 Código de la Democracia nishkapi. Chayta katishoami CNE kamaywasika kimsa hunkay akllaykunapa puntalla rurana.
Chay pachapi alliyachashka willayta ruranamanta
Chayshuk rimanakuykuna shinami kay shamuk rimanakuypipash Ecuador Verifica willachikkunaka chay pachapi alliyachashka willaykunata llukchinka pushak tukunkapak munakkunamanta nishkakunamanta.
Kay pachapi alliyachashka willaykunataka kay shimita churashpa katita ushapankichik:
#EcuadorVerificaEnVivo
#KayPachapiAlliyachashkaWillay
Ecuador Verifica alliyachashka willaykunata rurankapakka, pushak tukunkapak munakkunapa nishkakunata hapishpami alliyachashpa willaykunata ruran.
Chayta katishpaka, shinami samiyachin “Shinami” pushakkuna mana pantashpa, alli willaywan chayakpika. “Ari, shinapash” pushakkuna nishkakuna pantaykuna nikpi. “Achikyaypak” mana achikyay kakpi. “Llulla” mana shina kakpi.
Comments are closed.