Llulla willaykunata rumpa pukllaykunamanta sama puncha tiyan nishpa llukchinakun. Llamkay kamaywasipash chayka llulla kan nirka.
WhatsApppi shuk llulla rikchata yallichinakurka Guillermo Lasso nishka nishpa. “Ecuadormanta runakuna, rumpa pukllayka kushikuy kan, chaymanta 25 sasi killapi saman puncha tiyakrin ñukanchikpa pukllakkunata yanapankapak”. Chay willayka llullami kan.
Llamkaypa kamaywasika paykunapa pankapimi chay rikchaka llullami kan nishpa llukchirka, shinallatak 25 saki killapi mana samana pacha tiyanchu nirka. Shinallatak kamaywasikunapa pankata katichun mañarka ama llullay tukunkapak.
Mamallaktapa pushak twitter pankapi maskashpaka mana chay willay tiyarkachu.
Catarpi rumpa pukllay mishayka 20 sasi killapimi kallarirka. Chay punchami Ecuador pukllarka. 25 punchaka Países Bajoswanmi pukllakrin. Chaymanta, shina llulla willaykuanta yallichinakun.
Mamallaktapi samana punchakunamanta
Ecuadorpika samana punchakunaka shuk kamachitami katin Ley Reformatoria a la Ley Orgánica del Servicio Público y al Código de Trabajo.
“Tukuy mamallaktapi shinallatak llaktakunapi samana punchakuna tiyanamantaka shuk kamachipimi kan”, rumpa pukllaykunamantaka mana ima tiyanchu.
Comments are closed.