Kay hunkaypi Redes socialespi shuk rikchata yallichinakurka, chaypimi nin Andrés Arauz 500 dólar kullkita ñawpachishpa kusha nikun. Chayka llullami kan.
Chay rikchapika nikun pipash $500 dólar kullkita chaskinkapak munakpika Centro Democrático tantanakuyman kimirinalla, manarak 7 panchi killa chayakpi shinallatak chay willayta williwillipi rikuchina, nin.
Ecuador Verifica chay redes sociales pankakunata maskarka, shinallatak Centro Democrático pankapi, Andrés Arauz pankapipash maskarka, shinapash chay kullkimanta nishkaka mana imatapash rikurirkachu.
Andres Arauzmantaka llullami kan nirkakuna, mana Centro Democraticoka mana chay kullkimanta willayta llukchirkachu, nirkakuna.
Chay llulla willayka llukshin, Arauz paypa llamkay ñanta rimashka kipa. Chaypimi rimarka kay llaki unkuypachamanta, shuk hunu runakunaman $1000 kullkita kushpa yanapakrin, nishpa. Shinapash chayta paktachinka pay pushak tukushpa.
Chay llulla willayka wakin pankakunapimi llukchirka, shinallatak Yo Protesto shutiwan pankapipash churarka, shuk punchapi 15.000 runakunami chay willayta rikushka.
Código de la Democracia 204 artículopika pushak tukunkapak munakkunaka mana imatpash karayta ushanchu kay akllay pachakunapi nin.
Shinallatak kay akllaypakaCovid-19 unkuyta harkankapak shuk pankata arinirka 17 kapak killapi, Chaypimi nin ama tawkapura tantanakuchun, shinallatak pushak tukunkapak munakkunapash mana imatapash karachu kay akllaypachapi.
Comments are closed.