1 pawkar killamanta, Facebookpi yallichinakun kay yuyayta “akllaykunapi shuway tiyan, 31 akllaypak pankakutataa paskashpaka 602 votokunawan miranchik, 20 waranka akllaykunamanta paskashpaka, shamuk akllaykunapi katinman”, Yaku Pérez nikun nishpa. Ari, shinapash, Tribunal Contencioso electoral kutichinarakmi kan.
26 panchi killapi Consejo Nacional Electoral (CNE) wakin akllaypak pankakunata kutin yuparka Pachakutik mañayta katishpa. Yaku Pérez 27.767 akllaypak pankakunata yaykuchirka, chaykunamantaka 31 akllaypak pankakunatallami paktachishka chaskichun.
Chaymantami, 1 pawkar killapi Yaku Pérez huchachirka, Tribunal Contencioso Electoralpimi yaykuchirka pankakunata mañankapak CNE kutintak 27.000 akllaypak pankakunata yupachun, shinapash Tribunal tikrachirka.
TCE kamaywasimanta willachik, Francisco Tomalá, Ecuador Verificaman willachirka nishpa Perezka 4 pawkar killakaman, 14:00 sayllakama chay pankata yaykuchita usan tikuyta alliyachishpa.
“kaya puncha (4 pawkar killa) alliyachishka pankata chaskikpimi, juez rikunka ari nishpa mana nishpapash. Juez chaskishka kipami 15 punchapi kutichinka pikuna shamuk akllaykunaman rin” nirka tomalá. Kay pachakunaka Código de la Democraciapi artículo 269 yupaypimi nikun.
Chay Yaku nishkaka 28 panchi killapi Twitterpimi willachirka. Shinapash CNE willaykunapika Yaku Pérezpa 612 mirarin nirka, mana 602.
1 pawkar killapipash Yaku Pérez shuk tapuykutichipi Los Desayunos de 24 Horas Teleamazonasmanta nirka “31 akllaypa pankakunapi 612 miranchi akllaykunapi, 20.000 akllaypak pankakunata yupashpaka ashtawanmi kanman”.
Comments are closed.