Facebookpi, twiterpi llukchishka Tania Tinoo willachikmanta, paymi nishka nin: “Lassoka tapuytaripaypika ñawpakun, ashtawanka llaktakunapi mirashka, Arauz mana chayakkunapi”. Chay nishkaka llullami kan.
Chay willaykunapika Tania Tinoco chayta nishka nin. kay shamuk akllaykunapi Guillermo Lassopash kakrin.
Tinocomi Ecuador Verificaman nirka mana shina kanchu, payka mana ima willayta llukchishkachu. “Chay willayka llullami kan, ñukapa twitterpi mana chay willaykuna tiyanchu. Nishkanimi maypi ñukapa willaykunata churani, twitterpi”shinami nirka willachik. Shinallatak nirka, kay pachapi paypa shutita llullaykunata llukchinkapak kapishpa.
Willachikpa Twitterpika mana imapash rikurirkachu, chay nishkakunaka.
Payka wakin kutintak willachishkami imashina paypa shutita hapishpa pankakunata wiñachinakushkakunamanta, shina facebokpi llulla willaykunata llukchinkapak. Chay pankakunata anchuchichun mañashkami, shinapash mana paktarishkachu.
Chay rikcha llullaykunawan kakta taripayta rurarkanchik, imashinatak llullaykunata churashkata. Chay llulla rikchapika IC-Play unanchatami churashka, chay IC-play pankaka punta wakin llulla willaykunata llukchishkami, shinapash kay kunan llulla rikchapika, Ic-play, pankamanta unanchata kapishka.
Googlepipash maskarkanchik chay rikchamanta, mana shuktak pankakunapi rikurinchu.
Comments are closed.