Teleamazonas rikuchik antapi, shuk tapuykutichipi, Agricultura y Ganadería pushak, Tanlly Vera, wakin paktachinkapak ruraykunamanta willachirka mushuk pushak kashkamanta. Nirka “ Ecuadorpika llaktakunamanta 50% patsakri yallimi mana charik runakuna kan”. Chayka shinami kan.
INEC kamaykawasimanta, shuk llamkaywillaypika Ecuadorpi mana cahrikkunaka ayllullaktakunapimi 47,9% kan, shinapash Agricultura y Ganaderia kamaywasimanta pushakka 2,1 patsakriwan urayman chay yupaytaka kurka.
Ayllullaktakunapi mana charikmanta ashtawan llakipi kan. Kitikunata, ayllullaktakunata rikushpaka 23,2% kitikunapi kan. Shinallatak ashtawan mana charikkunaka 27,5% ayllullaktakunapi kan.
Vera pushakka tarpukkunawanmi rimanka pakta Fomento kullkikamaywasiwan llamkankapak nirka. 1% mirachishka kullkita churankapak, shinallatak 30 watapa kullkita mañachinkapak, chaywanmi ayllullaktapi alliyachinkapak.
Kullki machishkakunawan ashtawan ayllullakatakunapi mirachishun (…) ashtawan tarpunkapak, shinallatak kullkinakapak”, nirka.
Comments are closed.