Yaku Pérezpa rikchata facebookpi yallichinakun, paymi covid-19 unkuypa vacunata ña chaskishka nishpa. Chayka llullami kan.
Chay llulla willaypillatak nikun “campañapi kashpa wakin ayllullaktakunata purikuni paykunaka mana kamarinchu, chaymanta maykankuna ñawpapi kashkakunaka ama unkunkapak paktachina”.
Tukuyta maskashpapash mana shuk willaykunapi shina rikurinchu, Dato Ciudadano panakpilla shina llukchishka, shinallatak Yaku Pérezpash mana imatapash nishkachu.
Shinallatak, Yaku Pérezpa rikchapi churashka El Comercio unanchata, El Comercioka mana shina rikchata llukchishkachu. Shinami unanchakunata shuwashpa llulla willaykunata yallichin, shina llullaykunawan chaynakapak.
Fotoforencis pankapi chay rikchata churashpaka llulla kakta rikurinllami, wakin imaykunata charin.
Tukuchinkapakka, chay rikchawanllatak maskarkanchik, chayka shuk shina shina rikcha tiyashka shinapash chay rikchapika chay hampikunallatak, shinapash shuktak runawan. Chay rikchami kallari ka, EFE willay pankapi chay rikcha tarirkanchik. Chay rikchaka 21 kulla killapi llukchishka kan, Pablo Arturo Suárez hampina wasipi llukchishka.
Comments are closed.