Runa tantanakuykuna ñankunata wichankapak llukshinka nishpami shuk willayta llukchirka “Hoy en 60 minutos” Facebook pankapi. Ari, Shinapash, hatariykunaka 17 punchapak kayachishka kan.
15 panchi killapi, llakta hatariykuna chawpi tuta kallarinka Quito llaktaman chayankapak nirka Ecuarunari tantankuy. Gustavo Tenesaka, Ecuarunari tantanakuymantaka nirka “CNE ari nishkakuna mana chaskikpika tukuy
mamallaktapi hatariykuna kallarishun. Chaytami Ecuarunari tantanakuypi arti nishka kan, Chaska punchapi tantanakuypimi shina sakirirka”.
Shinapash, 16 punchapi shuk mushuk willayta llukchirka tukuy llaktakunapa, ayllullaktakunapa tantanakuykunata kayachishpa kay “Kawsaypa minkayman”. Kayka Loja markamanta chillay (miércoles) punchata kallarin, Quito kitiman chayankapak.
Shinallatak, Yaku Pérez shuk willaypi nirka hatariyka ñakutin akllaykunapa yupaykunata rikuchunmi kan, chaymi mañay. Shinallatak katikkunaman mañarka ama makanakuykuna tiyachun. Kay hatariyka 23 panchi killapimi Quitoman chayanka.
Consejo Nacional electoral 21 inti punchapami paktaykunata riksichinka, maykankuna kutin akllaykunaman rinakun.
“Hoy en 60 minutos” Facebook pankapi shuk hatariymanta rikchaka churarka, chaytaka 459 runakunami yallichishka. Chay rikchaka 2019 watamanta kan, El Comercio willachiy pankami 6 octubre killapi Cañarpi llukchishka kan.
Comments are closed.